لوخانوك وغدروا بيك يبقى الفيديو ده ليك هيقويك ومش هتندم
اعداد : منصور الجزار وامل السيد وشريف فتحى ومنى البيلاوى
خلينا من النهاردة نطبطب على قلب كل واحد محتار ومش لاقي اجابة للسؤال ده ..
عاوز اعرف ليه.. انا ليه اتخنت .. انا ليه اتغدر بيه…. انا ليه انضحك عليه…. انا ليه اتنكر جميلى...
خلي بالك المشكله مش فيك …
اوعى تفقد الثقه بنفسك...
انا عارف ان لما تكون فيه علاقة قويه جدا بينك وبين اي حد سواء صديق اواخ اوزوجين وتنجرح ويحصل غدر وخيانه ونكران للجميل ...
ساعتها بنتجرح ونتوجع قوي ...وبتبقى مش قادر تكمل في حياتك... ونفسك تلاقي اجابه لسؤالك ده..
وهنا انا هجاوبك على السؤال ده ...
مشكلتنا ان انا لما بنحب بنتعمي عن عيوب الناس اللي احنا بنحبهم و بنشوفهم دائما ملائكة وبنعتقد انه استحالة ان الغدر والخيانة يطلع من دول...
بس خلي بالك سيدنا علي ابن ابي طالب رضي الله عنه وأرضاه كان بيقول لنا...
أحبب حبيبك هونا ما عسى أن يكون بغيضك يوما ما، وأبغض بغيضك هونا ما عسى أن يكون حبيبك يوما ما.
المقصود من الحديث النهي عن المبالغة والإفراط الشديد في الحب، وليس المراد أن يكون المرء منقبضاً حذراً من أخيه سيء الظن به، بل الأصل في المسلم سلامة الصدر وإحسان الظن بإخوانه المسلمين وإخلاص المحبة وصفاء الود لهم، لكن اندفاع العواطف حباً وبغضاً إذا جاوز الحد فهو مذموم، ولا شك أن القصد والاعتدال في الأمور مما يوافق الشرع، ومن أسباب طمأنينة النفس وانشراح الصدر .
معنى الكلام ده انه انا اعيش مع اللي بحبه وانا مش حاسس بالأمان وخايف...
طبعا لأ وده اللي علمهولنا حبيبنا وسيدنا المصطفى محمد عليه الصلاة والسلام.. لما كان بينشر الحب بين الناس..
وسيدنا علي بن ابي طالب رضي الله عنه قال عن النبي محمد عليه الصلاة والسلام انه كان بيحذر من الناس ويحترس منهم..
يعني سيدنا محمد عليه الصلاة والسلام وكان دائما بيعلمنا اننا نتودد للناس ونتعامل معاهم بحب لكن نكون على حذر باستمرار ولا نتوقع منهم الملائكية ..
لازم تتوقع باستمرار ان اللي انت بتحبه ومتعلق بيه ممكن يتخلى عنك في يوم من الايام ممكن يبعد عنك في يوم من الايام ممكن يغدر بيك في يوم من الايام ما هو مش ملاك...
...
خليك واخد حذرك وبس..
ببساطه كده لازم تعرف ان احنا بشر مش ملائكة ...
يعني ممكن نقابل في حياتنا الشخص اللي نشيله فوق راسنا..
وبرضه ممكن تقابل الشخص اللي يدوس عليك ..
عارفين ليه ...عشان مصلحته .. وهو بيظهر لك غير كده..
شوف الفيديو