وكالة الانباء للإنتاج الإعلامى وكالة الانباء للإنتاج الإعلامى
recent

آخر الأخبار

recent
recent
جاري التحميل ...

فيديو .. رسونا على بر نصدق مين فيهم فيديو مهم هيعلمك حاجات كتير لكل فئات المجتمع مش هتنساه وهتشكرنى












رسونا على بر نصدق مين فيهم فيديو مهم هيعلمك حاجات كتير لكل فئات المجتمع مش هتنساه وهتشكرنى 

متابعة : منصور الجزار وأمل السيد ومحمد محمود ابو شهد النجار وعلاء الملاح ومحمود التمساح وسلوى حجازي 


رسونا على بر نصدق مين ولا مين من اجدادنا واهالينا ومن المتعلمين والفاهمين قوى ، جمل وعبارات طول عمرنا بنسمعها وبنسمع عكسها والمصيبة اننا بنصدق العبارة وعكسها ، وبعدين بقى فينا اللى بيمشى على العبارة وغيره بيمشى على عكسها ، وده صح وده صح من وجهة نظر كل واحد فيهم . ياريت حد فاهم قوى يوضح لنا نصدق مين ، ومين الصح فى الاثنين العبارة ولا عكسها ، فيديو مهم هيعلمك حاجات كتير لكل فئات المجتمع مش هتنساه وهتشكرنى عليه لأننا هنستنى معاكم حد فاهم قوى يوضح لنا منين يودى على فين . 


عايزين نرسي على بر فى العبارات اللى جاية دى 

هو خير البر عاجله ولا كل تأخيرة وفيها خيرة ؟!! 
هي معرفة الناس كنوز ولا البعد عن الناس غنيمة ؟!! 
هي الناس مقامات ولا كلنا ولاد تسعة ؟!! 
هي النار ماتحرقش مؤمن ولا المؤمن دايما مصاب ؟!! 
هو باب النجار مخلع ولا ندي العيش لخبازه ؟!! 


هو الغايب مالوش نايب ولا الغايب حجته معاه ؟!! 
هو لو سرقت إسرق جمل ولا الطمع يقل ما جمع ؟!! 
هو في السفر سبع فوايد ولا من خرج من داره اتقل مقداره ؟!! 
هو اللي سبق أكل النبق ولا قيراط حظ ولا فدان شطارة ؟!! 


هي حلاوتها في حموتها ولا نتقل ناخد حاجة نضيفة ؟!! 
هو يا بخت من وفق راسين في الحلال ولا نمشي ف جنازة ولا نمشي ف جوازة ؟!! 
هو القرش الأبيض ينفع في اليوم الإسود ولا إصرف ما في الجيب يأتيك ما في الغيب ؟!! 
هو خير نعمل شر نلقى ولا نعمل الخير ونرميه في البحر ؟!! 


هو لبس البوصة تبقى عروسة ولا إيش تعمل الماشطة في الوش العكر ؟!! 
 هو الخير على قدوم الواردين ولا يا قاعدين يكفيكوا شر الجايين ؟!! 
هو الضنا غالي ولا لو جالك الطوفان حط ابنك تحت رجليك ؟!! 
هي اطبخي يا جارية كلف ياسيدى ولا الشاطرة هي اللي تغزل برجل حمار ؟!! 
هو ضل راجل ولا ضل حيطة ولا قعدة الخزانة ولا جوازة الندامة ؟! 
هو البعيد عن العين بعيد عن القلب ولا نتقل حبة نزيد محبة ؟!!

 














عن الكاتب

وكالة الأنباء للإنتاج الإعلامي

التعليقات


اتصل بنا

إذا أعجبك محتوى موقعنا الاخبارى نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد الموقع أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

وكالة الانباء للإنتاج الإعلامى