ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلم : ميادة سيد
هذه المقالة تعبر عن رأى الكاتب وعلى مسئوليته دون تدخل من الموقع...
البيه اللى بيقول 30سنة ﻻ دى كبرت :/
انا عايز واحدة اربيها على ايدى .
حلو اوى خدها بنت 16 ،،17سنة البنت اللى فتحت عنيها على الفيس والنت واﻵى فون واﻵى باد واﻻسوء واﻷنيل من كدا ..
جيل النت والنتيت والحريات والتحرر والعقول المغيبة ..إلا من رحم ربى
طيب عارفين بقى..
..
البنت اللى عدت التلاتين وبيتقال عليها عانس :
( هى دى البنت اللى لما كانت طفلة كان اقصى أحلامها عروسة باربى :)
ولما كبرت شوية إتمنعت من لعب اﻻولة فى الشارع لما بدأت تبان عليها معالم اﻻنوثة وكانت بتمشى فى الشارع موطية ومكسوفة اوبتمشى زى العسكرى هى دى برضوا اللى كانت بتستنى لما تبقى +18 عشان تدخل السينما مع ابوها او اخوها ويدوب تتفرج على فيلم رعب وتقضى نص الفيلم مغمضة عنيها ^_^ ..
واللى لما كانت ترجع من المدرسة وتساعد امها فى المطبخ او تروق البيت وتشغل شريط كاست اللى حوشت من مصرفها عشان تشتريه لمطربها المفضل :)
او تقرا كتاب او مجلة كلمتنا ، الشباب، هى وهو
وكانت بتذاكر وتنجح .
ولما تدخل الجامعة تبقى فرحانة ﻻنها هتحط مكياج اللى هو عبارة عن روچ وكحل وبنفس قلم الروچ تحمر خدودها ومكنتش بتعمل حواجبها إﻻ لما تتخطب او تعدى ال20 .
البنت اللى المجتمع دا ظلمها وبيحاسبها على عمر معاشتهوش ﻻنها إتربت على الحلال والحرام والمبادئ واﻻخلاق
ولو شوفتها فى عالم النت هتلاقيها لسه بتتعلم فيه ومش معنى انها بتضيف وﻻد تبقى عايزة تصطاد عريس ﻷ خالص يابيه ..
البنت اللى عدت التلاتين دى ماأنتاش فارق معاها ياخفة ﻻنها مثقفة بجد وعندها وعى وأخلاق ومبادئ وحتى لو كانت جريئة شوية تلاقيها نزلت إشتغلت وإتبهدلت أو إتعلمت وأخدت كورسات لو عدتهملك هتووووه منها ..
البنت دى حبها اﻻول أبوها وبتدور على واحد شبهه ﻻنها اتعلمت منه يعنى ايه رجولة يعنى ايه ثقة يعنى ايه حب فى دنيا ودين ..
البنت دى اللى احسن من ميييت راجل وأرق بنوتة ممكن تقابلها
ايوه هى دى البنت اللى لوكلمتها كانت خدودها هتحمر من الخجل ولومكنتش عرفت سنها مكنتش قولت عليها كبرت ..
غرورك ياكابتن هيعميك عنها ﻻنها تستاهل راجل جدع يقدرها ويعرف قيمتها بجد ..
لكل بنت عدت التلاتين انتى جوهرة ومش اى حد يستاهل ضفرك
إستمتعى بحياتك واتهنى ومتخليش كلمة بيقولها مجتمع جاهل تزعلك وﻻ تأثر فيكى :* ..
إنت أحلى وأجمل من البلاستيك اللى بيدهنو وشوشهم بويا :
(
وتشوفيهم تقولى ستات معدية اﻻربعين وهما لسه عيال من مدارسهم هربانين) .
مفيش حاجة إسمها عانس سواء لراجل او بنت :
( دى مسألة نصيب ووقت وكله بإذن الله )..
حتى لو شايفة ان الكلمة دى عادية قوليها بفخر لأنك من جيل عظيم مثقف وواعى عنده أخلاق ومتربى ..
( انا عانس وافتخر :)
إنى مؤمنة بقضاء الله
والحمدلله راضية بقسمتى ونصيبى
#Mayada_Sayed
