حصرى بالفيديو ضبط ٣ سيدات ورجل خلال محاولتهم خطف طفل تحت الحجاب
نصر سليم عبد العال
من روعة مواقع التواصل الاجتماعى هى التوعية وتسليط الضوء على كل مايفيد عشان كده بنوجه شكرنا لصفحة مباشر من الاسماعيلية وربنا يجازيهم خير على هذا الفيديو ودى طبيعة كل من يحمل بيديه تليفون بيصور بيه الحاجات المهمة اللى بتحصل وبتكون جرس انذار يفيد الناس .
تخيل لما تكون قاعد فى بيتك ويتخطف ابنك من جوه البيت ده اللى حصل بمنطقة الضبعيه بالاسماعيلية واللى حصل بالضبط انه خبط على الباب 2 سيدات متسولين صاحبة البيت بقلب ابيض وطيبة نية دخلت تجيب لهم فلوس من جوه ، فطلعت ملقتيش الطفل وجريت فى الشارع لقت الـ 2 ستات ومعهم راجل وست تالته وفى واحده منهم حاطة ابنها تحت "الخمار" وبيجروا بيه .
فقامت السيدة بالصراخ وطلبت مساعدة الأهالى الذين تجمعوا على الفور واتضح أن الخاطفين من الغجر الذين يسكنوا بمنطقة الظاهريه بالتل الكبير ومعتادين على الشحاته والسرقه.
وبالاتصال بالشرطة ألقت مباحث مركز الإسماعيلية برئاسة المقدم محمد هشام القبض على المتهمين واصطحابهم لمركز الشرطة وتم إنقاذهم من يد الأهالى قبل الفتك بهم .
وعشان كده بنحذر كل أم من فتح الباب لأى حد غريب عشان منرجعش نندم بعد كده ونقول ياريت اللى جرى ماكان ..
