بقلم : منصور الجزار
متابعة ورصد : أميرة ربيع ومحمود التمساح
لمن يفهم !!! ليس الدور الإعلامي هو اصطياد البلاوى والسلبيات بقدر ماهو محاولة لعلاج الخلل الذى يقع أمامنا ونحاول إصلاحه !!!!
المقدمة المهمة دى لازم تكون موجودة فى كل حدوتة يلا بينا
وزير التربية والتعليم الدكتور طارق شوقى ...هو انت مبسوط قوى اننا بنكشف فساد فى بيتك اللى هو الوزارة والفساد ده بيقول ...انك مش قادر تتصرف ..انك مش قادر تقطع رقبة ..انك مش قادر على العصابات اللى تحت ايدك ..انك ماسك فى الكرسى وسايب التعليم خربان واحنا بالمركز الأخير عالمياًً ..
ولا انت مش مصدق اللى احنا بنكتب عنه أنا وغيرى رغم اننا بنعطيك فضايح بمستندات ..
ولا انت مش مالى عينك لا رئيس وزراء ولا رئيس جمهورية ،ولا مش مالى عنيك مدرسين شرفاء واداريين شرفاء وسط بركة فساد وكل أمانيهم ان ربنا يطهر البلد منهم عن طريقك وانت عامل انك من بنها ..
ياوزير التابلت خد منى الكلام المفيد ...ولازم نشوف رد منك على ماسوف نكشفه مالذى جاءنا من مصادرنا المحترمة المحبة للوطن وهم شرفاء بالتربية والتعليم ...هل ماسوف نكتبه على وكيل الوزارة على عبد الرؤوف ومدير ادارة شرق المنصورة عبد الحميد موسى والثنائى مشترك فى التزوير ومشتركين فى ان اول اسمهم يبتدى بحرف العين ( ع عبعال ) !!!!
لما الست ( هويدا مسعد .. مديرة مدرسة المنصورة الثانوية بنات ) تقعد غصب عنك وعن وكيل الوزارة وعن مدير ادارة ومخوفاكم بقريبها فلان وجوزها فلان وشغالة فى عزبة وانتم كلكم عاملين انكم من بنها خايفين ومرعوبين منها يبقى ملعون ابو ده تعليم ...
وقريب قوى العزبة هيتم تطهيرها والمستندات اللى بتوصلنى كل يوم هكمل بيها لآخر المشوار ويا أنا ابو سندوتش فول وطعمية مع انى باكل رومى وكنتاكى وبط ووز وهدهد !!!!يا أنا يالفاسدين ..
حرب لمصلحة البلد لن تنتهى !!
لما وكيل وزارة فاتح عزبة والاسم انه (خولى الجنينة) والكبير فيها مع اننا كلنا وانتم عارفين انه لا بيهش ولا بينش وانه موزع اشاعات فى كل مكان بالمنصورة انه مسنود من فوق قوى ومفيش حد بيقدر عليه وانه مهما انكتب عنه هو قاعد ..يبقى بالذمة راضى على نفسك انك تبقى وزير إزاي ؟؟؟...
ولما مدير ادارة شرق المنصورة التعليمية ( عبد الحميد موسى ) بلديات ( خولى الجنينة ) اللى وصلنى ( شوال ) مستندات عنه وانت عارفها وبرضه قاعد على قلب أم الكرسى وهو وارث من ( خولى الجنينة ) فساد مالى وجنسى وساكت عنهم يبقى انت وزير إزاي ؟؟؟ ...
تعالوا معايا نشوف ( خولى الجنينة ) وكيل الوزارة الإخوانى اللى البلد سيباه يخربها ..
المفروض انه بيشغل كل المعارف وأسياده والفاسدين الكبار عشان يتم التجديد له فى شهر 10 أكتوبر 2018 شوفوا معايا المصيبة السودة ( والعهدة على الراوى ياسادة ) يمكن الوزير يبين كرامة وشكله يبقى حلو قدام الريس السيسى ...والله العظيم ياوزير التعليم يمكن لبخ ( خولى الجنينة ) يمشيك من الوزارة .. اسمع كلامى وبين كرامة وطهر الوزارة !!!
خولى الجنينة يعنى المفروض انه الكبير وهو ده المعني المقصود عشان محدش دماغه تحدف شمال ..لازم يقدم فى أوراقه للوزارة عشان التجديد مستندات وبالتحديد صحيفة احوال ويدون فيها اى جزاءات وقعت عليه .. وللوزارة حق القبول أو الرفض !!!وهنا بقى ياسادة الكارثة اللى عاوزين الوزارة ترد علينا بالمستندات كلامنا صح ولا لأ ..
على عبد الرؤوف ( خولى الجنينة اللى هو وكيل وزارة ) راح قدم للجنة القيادات بالوزارة صحيفة الأحوال بدون ذكر الجزاء اللى وقع عليه !!! يعنى تزوير فى أوراق رسمية .. هتقولولى فين التزوير !!!
قرار لجنة التأديب رقم ( 40 لسنة 2018 ) فى القضية رقم 790 لسنة 2016 بتوقيع جزاء على ( خولى الجنينة ) تنبيه أول ولباقى الموقع عليهم جزاءات فى نفس القضية منهم من حصل على 15 يوم والبعض حصل على 20 يوم ..وجزاء وكيل الوزارة يساوى 10 أيام ...هل ياوزير التعليم لجنة القيادات بالوزارة علمت بذلك ..ان كانت تعلم فهذه مصيبة وان كانت لاتعلم فالمصيبة اعظم ...
ونيجى لمدير ادارة شرق المنصورة الحاصل على جزاء سابق نشرناه قبل ذلك بخصم 5 ايام وحصل على خصم جديد الشهر الماضى بخصم 5 ايام أخرى ونفس حالة التزوير اللى عملها ( خولى الجنينة ) عملها بلدياته عشان يتجدد له وبالفعل تم التجديد له ....
والمستند أهه....
