بقلم : منصور الجزار
متابعة ورصد : أميرة ربيع ومحمود التمساح
لمن يفهم !!! ليس الدور الإعلامي هو اصطياد البلاوى والسلبيات بقدر ماهو محاولة لعلاج الخلل الذى يقع أمامنا ونحاول إصلاحه !!!!المقدمة المهمة دى لازم تكون موجودة فى كل حدوتة للمدرسة يلا بينا.
نكرر ما ذكرناه قبل كده ..يا ريت كل من سيتم ذكره هنا يفهم كويس قوى ان مفيش بينى وبينه حاجة شخصية ولا انا غاوى شهرة على قفاكم..أنا عاشق لمحاربة الفساد لكل من يتقلد منصب ولا يعمل به .
انا احافظ على ماتم ذكره بالدستور المصرى الأقوى من اى قرارات وزارية ...
أنا عاشق للدفاع عن كل مظلوم وبعون الله قادر أجيب لكل مظلوم حقه مهما كان الظالم الفاسد ( مش عشان معايا الرئاسة ولا المخابرات ولا أمن الدولة ده عشان معايا ربنا اللى أقوى من الفاسدين مهنياً ) .
ـــ يا وزير التعليم بدل ما تفكر فى التابلت فكر فى على عبد الرؤوف وكيل الوزارة الذى يعطيك دوما جملة متكررة وساذجة ) كله تمام يافندم ( يخرب بيت أبو كده !!! وكل ما نسأل الوزارة سيباه ليه مع انه إخواني يجينا الرد أصله ( بينفذ التعليمات كويس ) عارفين ده معناه ايه .. ( انه ش.... خ... ) ايون هو كده !!! شايل خير او شايل خاتم سليمان او شيال خيوط العنكبوت او .. حللوا ش خ براحتكم !!!
ـــ ياوزير التعليم مين اللى بيحمى المراة التى تدير التعليم بالدقهلية وتسيطر على رجالة بشنبات ..
ست طالع ليها قرار استبعاد واللى طلع لها القرار دخلته أمن الدولة وبلغت فيه النيابة ..انت فين ياسيسى من هذا الفساد ؟؟؟ ...ليه لم يتم تنفيذ استبعادها عشان ثبت عليها التزوير ...
ــــ الأخت أو السيدة هويدا مسعد مديرة مدرسة المنصورة الثانوية بنات بالمختلط ( لن أتحدث عنك سوى فى الناحية المهنية ).ولكن قبل أن تقرأى ما أكتبه رسالتى لك وردى عما قلتيه عنى يتلخص فى التالى ...
ـــ عيب على سنك قوى انك تحتمى بشاب خايب بينضرب وبينطرد من كل مكان بيروح فيه ومركباه على قفا كل العاملين عندك وكأنها عزبة .. بس العيب على مدير إدارة شرق المنصورة عبد الحميد موسى وعلى وكيل الوزارة بالدقهلية على عبد الرؤوف ..والكل بيسأل ايه السبب فى انك محمية فى موظف تحت ايدك ..!!!
ـــ أنا ليس بينى وبينك أى مصلحة ولن يكون عشان أنا مش بحب الفول والطعمية أنا متربى ع الغالى وبرضه عيب على سنك انك تشتمينى فى غيابى وانا هعمل بأصلى وردى عليكى مهنيا عشان انت ماتستحقيش مكانك ..!!!
ـــ وكمان منصور الجزار اللى طلعتى عليه إشاعة إنه اتمسك فى أمن الدولة وخاف مننا ..مش قادر ابطل ضحك من يوم ماسمعت إشاعتك العبيطة ..عشان مش عارفانى كويس يامن تديرين مديرية التربية والتعليم ببعض قياداتها المكسورة لك ومخوفة وكيل الوزارة ومدير الادارة ومحمية فى مين معرفش بس لحد منصور الجزار وتقفى إنتباه عشان أنا دايما مع المظلومين .. ياريتك تستوعبى كلامى !!!
المفاجآت النارية التى لن أعلن عنها سوى فى الوقت المناسب وتخصك وهى :
ـــ عندى كارثة أولى تخص النيابة العامة وسوف أقوم بتسليمها للنيابة العامة ولوزير التعليم شخصيا وبعدها بدقائق لن تستمرى فى مكانك لحظة !!
ـــ عندى كارثة ثانية بشهادة مدير مدرسة لابد من معرفة سببها من العميد الخارج معاش مبكر ..
ـــ ولسه الحكايات كتيييييير وهنجيب فيها رجل الوكيل الأسمرانى الباطل بتاع النسوان اللى عايش فى حب الفسيخ ..( النهاردة بس هنتكلم عن دورك الكبير اللى بركاتك فيه حلت على النيابة الإدارية ... )
( ياجبروتك !!!) السادة المحترمين جنود الله فى الأرض يامن تمثلون عدل الله على الأرض .. المقصود هو النيابة الإدارية ..
لقد طالتكم الشائعات والإتهامات من جراء صمتكم الرهيب تجاه هذه المرأة التى تدير التعليم بالدقهلية فى غياب وكسر عين وكيل الوزارة ومدير الإدارة وطالتكم الشائعات بأن تركتم نظر مذكرة رئيس مجلس أمناء مدرسة المنصورة الثانوية بنات بالمختلط ومدير العلاقات العامة بوزارة الإسكان الأستاذ رمضان الحسينى والذى وضع بين أيديكم مذكرة بها كوارث كان لابد من قطع الرقاب فيها ولم يحدث !!!فلعل المانع خير ..انت فين ياسيسى من هذا الفساد ؟؟؟ ...ولا هيطلع كلام الست صحيح ان البلد كلها فى جيبها وان محدش يقدر عليها ...انت فين ياسيسى من هذا الفساد ؟؟؟ ...أفيدونا أفادكم الله !!!والمذكرة بتقول !!!
تفاصيل حدوتة المذكرة ومبلغ 50 الف لحلوح
المذكرة بتقول ان مديرة المدرسة هويدا مسعد بكير قد استفحل خطرها حيث لايمنعها أى أحد من تنفيذ اى امر يخصها ، وانها على صلة بكل قيادات المديرية والإدارة التعليمية وتستطيع تنفيذ أى شئ ، لأنها كما وصفت نفسها ( كعب عالى بالمديرية ) .
حيث طلبت المديرة منه التبرع لعدد 175 طالبة لا يستطيعون دفع المصروفات وفعلا ساهم بإحضار احد المتطوعين فى عمل الخير وهو الأستاذ محمد محمد عبد الحافظ وطلب منه الدفع لعدد 175 طالبة بشرط أن يكونوا غير قادرين على أن يتم عمل بحث إجتماعى لهم ووافق المتبرع.
ولثقته فى رئيس المجلس حضر المتبرع ووجد مديرة المدرسة تطلب منه سداد 555 طالبة غير قادرة واتصل بى المتبرع للاستفسار وأبلغته أننى لا أعلم بهذا العدد وجعلت سداده إختياري ووافق على السداد لعدد 555 طالبة وطلب بعمل أبحاث لهم لتسليم إيصال الدفع عن طريق رئيس المجلس ..وقام بدفع مبلغ 49900 جنيه ( تسعة وأربعون الف وتسعمائة جنيه ) يعنى 50 الف تقريباً للعدد المذكور تضم الصفوف الثلاثة الأول والثانى والثالث الثانوى .
وبعد سداد المبلغ طلب رئيس المجلس من مديرة المدرسة ايصالات السداد لتوزيعها وتسليم الابحاث أو رؤيته للابحاث التى تدل على احتياجات الطالبات ولم يجد رد ..ولكن رئيس المجلس علم أن جميع الأخصائيات بالمدرسة لم يتم اخطارهم لعمل الابحاث .
مما يدل على أن هناك تلاعب فى سداد المصروفات التى تم التبرع بها وكذلك عدم دخول المبلغ فى بند المشاركة المجتمعية وكذلك لم يخطر مجلس الامناء لعرضه فى جدول الاعمال للموافقة على التبرع من عدمه ، فهل تقبلون يارجال العدل ان يتم اتهامكم بالتواطؤ والتدليس والرشوة ..هل تقبلون الإهانة !!!
ننتظر رد فعلكم وضرب هذه السيدة هى ومن يساندها ويحميها لتكون عبرة لكل فاسد ...!!!ربنا شايفكم والرئيس السيسى والرجال الشرفاء بالدولة وهم كثيرون يراقبون الموقف ...فهل من ثورة لحفظ ماء الوجه للمحافظين على العدل وعلى الدستور .. أم ستصمون آذانكم وتغمضون أعينكم عن نصرة الحق ؟؟؟؟