متابعة : منصور الجزار ومحمود التمساح وأميرة ربيع
طلاب صفوف الثانوية العامة يعني إيه مواد ممتدة أو مواد منتهية؟
المواد المنتهية دي نوعين
النوع الأول هى مواد منتهية الترم يعني الطالب بيدرسها ترم واحد و يمتحنها في
نهاية الترم و مش بيدرسها في الترم التاني أو العكس مبيكونش درسها ولا كانت مقررة
عليه في الترم الاول و بيدرسها و يمتحنها في الترم التاني فقط.
النوع الثاني مواد منتهية العام و دي مواد ممكن يدرسها سنة واحدة فقط و
ميدرسهاش تانى مكن يدرسها في أولى ثانوي و ميدرسهاش في تانية و تالته ثانوي و ممكن
يدرسها في تالته و هو مدرسهاش في أولى و تانية.
اما المواد الممتدة دى ثلاث انواع
النوع الأول ودي مواد ممتدة طوال العام تدرسها على الترمين ترم اول و ترم تانى
النوع الثانى و دي مواد ممتدة عامين بتدرسها في تانية ثانوي وثالثة ثانوي و
دى غالبا بتكون مواد التخصص.
النوع الثالث مواد ممتدة طوال مرحلة الثانوية لثلاث سنوات يتم تدرسها مثل
اللغة العربية والدين و اللغة الأجنبية الأولى و غيرها من المواد الأساسية
الشبيهة.
وده اللي كان بيحصل في النظام الحالي و السنين السابقة……
و بكده نكون عرفنا الأنواع المختلفة للمواد المنتهية و أنواع المواد الممتدة بصفه عامة.
تعالوا بقى نعرف قرار الوزارة بالتفصيل عن إلغاء نوع من أنواع المواد
المنتهى و هيطبق على مين…….
لو انت في تالته ثانوي السنادي ملكش دعوة بينا يا برنس خليك في حالك
انت على قديمه
ولو انت داخل أولى ثانوي النظام الجديد أو داخل تانية ثانوي النظام
القديم....
تعالى ركز الكلام ده ليك
لوانت داخل أولى ثانوى النظام المعدل الجديد فالوزراة ألغت لك المواد
المنتهية الترم طوال فترة دراستك فى الثلاث سنوات بمعنى انك المواد اللي هتدرس ها
من اول يوم في أولى ثانوي هتدرس ها ترم اول و تمتحنها ترم اول و تدرسها ترم تانى و
تمتحنها ترم تاني.
ولو انت طالب في تانية ثانوي السنادي نظام قديم انت العام السابق درست
مواد في الترم الاول ولم تدرسها في الترم التاني والعكس درست مواد في الترم الثاني
ولم تدرسها في الترم الاول الكلام ده أتلغى في سنة تانية ثانوي السنادي والمادة اللي
هتدرسها من اول يوم هيستمر دراستها لآخر يوم في السنة وهتمتحنها ترم اول وتمتحنها
ترم تاني ملحوظة امتحانات كل تيرم منتهى الجزء اللي امتحنت فيه.
وبكده عرفنا قرار الوزارة هتعمل ايه وهيطبق على مين .
نيجي بقى لأسئلة أولياء الأمور المتكررة في الموضوع ده…….
هو كده ممتدة دي يعني لغي امتحان الترم؟
مين قال كده بالنسبة لتانية ثانوي هو عنده امتحانات شهرية عادي وعنده
امتحان ترم اول وامتحان ترم تاني ومفيش اي تغيير له في شكل الامتحان أو طريقته.
وبالنسبة لأولي ثانوي النظام المعدل الجديد وفقا لبيانات الوزارة
هيكون عنده 4 امتحانات في السنة للمادة الواحدة….
انا ابني كان بيدرس مادتين ترم اول وكان بياخد مادتين غيرهم ترم ثاني
كده هيدرس الأربع مواد طول السنة؟
اه كده هيدرس الأربع مواد طول السنة وهيمتحن فيهم تيرمات…….
طب مش دراسة الأربع مواد طول السنة بعد ما كان بيقسمهم مادتين في كل
ترم مش كده حمل مواد على الطالب؟
المناهج زي ما هى متغيرتش لا زودوا دروس ولا قللوا دروس كل الحكاية
انك كنت بتدرس 8 فصول حجم المادة في ترم واحد وتمنحها وانتهى الموضوع لا هو هيديلك
4 فصول ترم اول وتمتحنهم و هيديلك 4 فصول في الترم الثاني وتمتحنهم وبكده وزع
المواد المنتهية ترم لمواد تدرس طوال العام زود عدد مواد الترم وقسم المحتوى على
الترمين.