بقلم
منصور الجزار
كله تمام يافندم
!!! كله تمام سعادتك !!! كله تمام معاليك !!! كله تحت السيطرة جنابك !!! كلمات بسيطة تعود عليها على عبد الرؤوف وكيل وزارة التربية والتعليم
عندما يذهب لمكتب المحافظ بوجبة مكتملة تم اعدادها بمطبخ المديرية من اجل إرضاء أعضاء البرلمان كما
يقال لكننى أشك ان اعضاء البرلمان الشرفاء قوى لايمكن ان يتوسطوا لمن لايستحق !!!
طب ياترى لو لم
يكن المطبخ قد قام بإعداد طبخة الموسم الشهيرة
الكوسة المليئة سبايسى من اجل عيون أعضاء البرلمان
ياترى الطبخة مصنوعة عشان عيون مين !!!
هل عشان عيون
رجال اعمال !!!
هل عشان عيون ستات اعمال !!!
هل عشان عيون بزنس من تحت الترابيزة !!!
ولا عشان ايه ياوكيل الوزارة
قصدى ياوكيل عزبة ملهاش كبير !!!
هل المحافظ
هيقبل انه يكون بصمجى !!!
هل المحافظ هيقبل انه يكون آخر من يعلم بما يتم التخطيط له من بزنس !!!
بلاش نسرح فى
المقدمة كتير وتعالو بإختصار نتابع المهزلة الجديدة ...
الحكاية تبتدى
من لحظة نزول اعلان على موقع المديرية يخص الوظائف الشاغرة لمدير ادارة ووكيل
ادارة .. الى اخره
وزى ماهتشوفوا فى المستند اللى جاى فى البند رقم 15 ان اخر موعد للتقديم لمدير ادارة ووكيل ادارة يوم 9/8 بلون غير مميز
وبعد نزول الخبر بالجريدة الرسمية !! وفى البند 16 اخر موعد للتقديم لوظائف اخرى
أقل يوم 19/8 بلون احمر مميز ...
تعالوا بقى نفسر المهزلة دى !!!
هل نزل فعلا
اعلان بالجريدة الرسمية وفين هو الاعلان ده !!!
هل تم ارسال
نشرة خاصة لكل المدارس محدد بها بوضوح ان اخر يوم 9/8 !!!
هل تدخل اعضاء
البرلمان بطلخا والمنصورة لمصلحة حد بعينه
( كلها ايام وهيبان وينكشف المستخبى ) !!!
وللمحافظ ووكيل
الوزارة قصدى وكيل العزبة عاوزكم تكونوا رجالة وتردوا عليا بشفافية لتبرئة ساحتكم
ان كانت طاهرة !!!
انتم منزلين
اعلان وكل القيادات المطلوبة فى الاعلان
فى التصحيح او شغل الثانوية العامة وملبوخين لشوشتهم ...
هيلحقوا يخلصوا
اوراقهم امتى ياجهابزة يا اصحاب العقول
الـ........ !!!
هتقولولى نعمل
ايه ..
اقولكم الموضوع سهل وبسيط حتى لايكون هناك ثورة لايحمد عقباها وتبرؤون
ساحتكم الطاهرة واللى هتفضل طول عمرها طاهرة !!!
يتم مد المدة
اسبوع بعد العيد حتى يتسنى للجميع تقديم اوراقه ويجلس على الكرسى من يستحق وتبعدون أنفسكم عن الشبهات ...
صح الكلام
يامتعلمين يابتوع المدارس ولا كلامى مش فى دماغكم الطاهرة !!!
طبعا ملف
القيادات بالمديرية كامل عندى يابتوع المديرية والدليل وكيل ادارة شرق الباطل اللى
راح نبروه برضه باطل وعبد الحميد موسى الباطل وغيرهم من اول المحافظة لاخرها ..
والراجل
فيكم يقف قدامى بالمستندات ..
صعبان عليا المحافظ والله .. ياريته يبين كرامة
ويتحرك !!!
وللحديث بقية
