يكشف
الأسرار: منصور الجزار
ــــــــــــــــــــــــــــــ
لمن
يفهم !!! ليس الدور الإعلامي هو اصطياد البلاوى والسلبيات بقدر ماهو محاولة لعلاج الخلل الذى يقع أمامنا ونحاول إصلاحه !!!!
المقدمة
المهمة دى لازم تكون موجودة فى كل حدوتة للمدرسة يلا بينا
نصيحة
لكل العاملين بالمدرسة
أكثر مايتم تداوله حاليا بالمدرسة وشكاوى
تليفونية عديدة تلقيتها أن كل مشكلة تحدث بالمدرسة يتم إجبار العاملين بالمدرسة
على التوقيع على اوراق وشكاوى ( يعنى مجبر أخاك لا بطل ) على
التوقيع وكله بيدور على مصلحته والبعض خائف من الرفض بالتوقيع .
المقدمة
المهمة دى لازم تكون موجودة فى كل حدوتة للمدرسة يلا بينا
بداية القول لازم تريحوا كده
على الانتريه ومعاكم فنجان اى
حاجة سخنة ومزة لزوم السخن عشان الحكاية
دى مسلية وفضيحة كبرى لوزير
التربية والتعليم ووزير الداخلية ووكيل
وزارة التربية والتعليم ومدير ادارة شرق المنصورة .
ابوس أيد كل من يقرأ لازم تخش تقرأ الخبر
لنهايته ففيه رد لكرامة كل معلم وردود
قاسية لكل مسئول .
ياريت كل من سيتم ذكره هنا
يفهم كويس قوى ان مفيش بينى وبينه حاجة شخصية ولا انا غاوى شهرة على قفاكم..
أنا عاشق لمحاربة الفساد لكل من
يتقلد منصب ولا يعمل به .
أنا عاشق للدفاع عن كل مظلوم وبعون
الله قادر أجيب لكل مظلوم حقه
مهما كان الظالم الفاسد ( مش عشان معايا الرئاسة ولا
المخابرات ولا أمن الدولة ده عشان معايا ربنا اللى
اقوى من الفاسدين مهنياً ) .
الأخت أو السيدة هويدا مسعد مديرة
مدرسة المنصورة الثانوية بنات بالمختلط (
لن أتحدث عنك سوى فى الناحية المهنية ) ولك
كل الاحترام فى شخصك وسوف انزل بنفسى المدرسة غداً ان لم يكن لديك مانع ولو معك
مستندات تدافعين بها عن نفسك فأهلا وسهلا بالمستندات ولك حق الرد مكفول قبل إذاعة
كل ماعندى تلفزيونياً وهدفى هو كشف الحقائق بنفسى .
الاخ عبد الحميد موسى ( ياعمنا
حيرتنا معاك ) مش عارف ايه حبك الشديد للصنف ( قصدى الشربات ) وماخفى كان اعظم وحياة الهدى والنور ماتزعل ياشيخ ،
وانا خايف عليك صدقنى الشربات مسكر قوى وده ضرر عليك
ومش هتقدر تسد ( اوع نيتك
تروح سكة تانية ) حاش لله ده انا
نفسى ازورك بمكتبك وأخدك ( بالاحضان ) .
أما النجم الكبير قوى وكيل
الوزارة طبعا ده كبير المقام وسنه قريب من سنى ( بيموووووووت فى الأفلام اللى
شغالة ) وبيحب يتفرج وغيره يتصرف .
نيجى بقى لوزير التابلت
والتعليم اللى نفسى اشوفه بيلف ع المدارس زى الناس
ويبطل ياخد تقاريره من السوشيال ميديا .
ياوزير التابلت والتعليم ماهو
اصل مفيش تربية ( بح خلاص ) ولو
انا كداب شوف اللى بيحصل بالمدارس من تربية ،،،
انت
ليه فرحان قوى بالتكييف وقاعد
بمكتبك وانت أفضل موقع عالمى لك فى مصر تكون مستشار تخطيط
دولى للرئيس وتقعد ترسم وتخطط أحسن لك
بدل البهدلة ياراجل ووجع قلبك مع
الولاد ( بس ياولا وبس يابت وسكوت وقيام وجلوس وطباشير أصل البهدلة دى عمرك ماهتحسها عشان
انت تعليم مدارس لغات
ومشتغلتش مدرس ومتعرفش معاناة المدرس شكلها
ايه ) .
نييجى بقى لوزير الداخلية اللى
عندنا اسامى كتير لمسئولين ولو نزلنا اعلان
على الفيسبوك مين المتضرر من العاملين
بالتربية والتعليم من قيادات
بالتعليم بتخويفه من جهات امنية (
امين شرطة قريبى ورئيس مباحث معرفة ولواء ابنه
عندنا وامن دولة حبايبنا هنبلغ
فيك انك اخوانى وهيصدقونا ) ياوزير
الداخلية هو حضرتك متعرفش ان المدرسين عايشين فى جو ارهابى من كل
من هو بالداخلية وامن الدولة .
لكل ماسبق ذكرهم والله ربنا هيوريكم ايام سودة على
ارهاب المدرسين وتخويفهم ومعاملتهم كأنهم عبيد .
نكمل الحكاية ( المشهد الثانى نهار
داخلى )
ـــ الأستاذ
خالد عبد الواحد ابن ناس وبيحب القراءة فى كل حاجة عشان
يبقى فاهم وده مطلوب لزيادة الثقافة مش عشان يركب
الموجة ويسيطر على اللى مش فاهم ويتدخل فى
إختصاصات غيره ( يعنى دى وزارة وكل واحد فيها له دور
واختصاصات ) .
واحدة واحدة معايا يا استاذ خالد وبلاش
ترد عليا عشان انا مش مهم انا بس برصد حالات ومخالفات
لكن ياريت ترد على وزيرك ووكيل وزارتك
ومدير ادارتك ولا دول مش فى دماغك وانت أكبر منهم ولا
بيهمك حد فيهم ..
يااستاذ خالد بدل ماتشغل بالك بالرد
عليا وتعمل فيها محامى عن
التربية والتعليم رد على ماسوف اقوله بثقافتك وفهمك لثقافة الاختلاف
.
انت حاليا فى مدرسة إيه ؟؟؟
وبتروح الثانوية بنات بتعمل فيها ايه وليه ؟؟؟
وحليت مشكلتك فى مدرستك ولا
لسه اللى بيتهيالى زى ماسمعت انها قضية تحرش وزى
ماسمعت انك انضربت فى المدرسة اللى انت فيها .. بس
طبعا انا رديت غيبتك من غير ما اعرفك وقلت
ده شخصيــــــــــــة ( محترمة ) وفاهم وعمره مايروح مكان مش
بيشتغل فيه وكمان محترم وعمره
ماينضرب وكمان محترم وعمره
مايتحرش بحد ...
وتصدق انى أول ماشفت الورق اللى بيقول ان
مديرة المدرسة اعطتك صلاحيات فى العزبة التى
تديروها قلت مش ممكن ده راجل فاهم وعمره
مايتدخل فى اختصاصات غيره وقلت اكيد مديرة
المدرسة عاوزة توديه فى داهية انها
تعطيه صلاحيات غيره ..
وقامت المتابعة باثبات الواقعة وصحة الشكوى
وبلاش تدافع تانى عن حد ولازم
تعرف ان كاتب هذه السطور اكبر مليون
مرة من إنه يزور مدرسة منصـــــــــــــوب له فيها فخ وإنه
مش ( صيدة ) والمراوغة الاعلامية
مع متهمين لعبة أجيدها تماما وبحرفية مش هاوى ..
ولسه الجراب عندى مليان بس كل حاجة فى وقتها .
ياريت ترد على المستندات دى
ـــ تزوير فى
اجتماع مجلس الآمناء والتوقيع بدلا عن رئيس
المجلس وقامت المتابعة باثبات التزوير وحتى
الآن رغم مطالبة رئيس المجلس بتقديم
الواقعة للنيابة الادارية ولم يتم الاسراع فى
البت بالواقعة وترك الادارة ( المزورة ) بموقعها
.
هتلاقوا اللى انا قلته فى نفس المستندات دى
ـــ ندخل بقى على الكبيرة ( المرأة
التى تدير التعليم بالدقهلية
) ووكيل الوزارة خايف منها ومدير
الادارة مرعوب منها ورئيس مجلس امناء الادارة
مبيقدرش يفتح بقه معاها ..
والمدرسين اللى عندها بتعاملهم ( كالعبيد )
واللى مش عاجبه يبقى اخوانى او متحرش ..
ولو ست بتقوم بسبها امام
الكل كانها سيدة مصر الاولى والباقى عبيد ( والحلقة
دى خلينا فى بلوة المستند اللى
معانا ) والباقى خليه ( للحلقات الجاية ).
المستند ده بيقول باختصار
انها غصب عن ( الرجالة ) مكتب الوزير ووكيل
الوزارة ومدير الادارة بتعطى صلاحيات للمدرس ( خالد
الذكر ) اللى قاعد يرد على الفيس بحلاوة
المدرسة وطعامة المدرسة وسكريات
المدرسة وده تم اثباته ياوزارة ويابشر ..
وكمان شتمت مدرسات محترمات امام
الجميع وكانها كاسرة عينهم مع ان
المدرسات دول فى قمة الاحترام والأدب
والمهنية .
وفيه بخصوص اهانة المدرسات قنبلة هتظهر فى وقتها .
وفيه بخصوص اهانة المدرسات قنبلة هتظهر فى وقتها .
وكمان قامت بقبول طالبة من
خارج النطاق الجغرافى من طلخا وحصلت
من والدها على مبلغ 700 جنيه بدون ايصال ..
انا مش جايب
الكلام ده من عند ابويا الله يرحمه ده تم
اثباته من المتابعة .
تعالوا بقى نتكلم فى التقيلة قوى قوى
المديرة اللى محدش مالى
عنيها دايما بتحتمى بالاجهزة الأمنية وان
كل عائلة زوجها ضباط وان أمن
الدولة معاها وان هى محمية
بالناس اللى فوووووق ومحدش يقدر يعمل معاها حاجة
( وفعلا كلامها صح مليون فى المية ) عارفين صح ليه
عشان مفيش ( راجل ) فى الوزارة كلها عارف ينفذ قرار استبعادها والمثبوت فى
الاوراق باثبات تزويرها وقرار استبعادها فى الدرج من
كام يابشر ( من سنتان ) من 2016 .
حكاية التزوير تم
اثباتها والكشف ده فيه اكثر من 100 اسم
معظمهم توقيعات مزورة والمستند أهه
واللى يفرح واللى يشرف واللى
يخلينا ننحنى احتراما وتقديرا للشرفاء
بالمدرسة 11 مدرسة عندما تم استدعاؤهم لتقديمهم
شكوى .
اعلنوا للمتابع رسميا
أنهم لم يوقعوا على شكاوى وطالبوا بتحويل المديرة ومن
وقع بدلا عنهم للنيابة .
وقائمة الشرفاء اهم
كفاية النهاردة ونخلى
الباقى الحلقة الجاية وياريت ألاقى فيك
يابلد راجل ينفذ قرار الاستبعاد ليها
وللأستاذ خالد وكل من ينتمى للمرأة اللى
محدش قادر عليها بالوزارة .
ومش هقول غير يارب وكيل
الوزارة وعبد الحميد موسى مدير الادارة ومين
غيرهم بيقوموا بحماية هذه السيدة .
( سنكشف عن
باقى الحواديت تباعا ) .
وان شاء الله كله هيبقى ع المكشوف فى البرنامج التليفزيونى ع
المكشوف وبالاتصال على الهواء بوزارة التربية
والتعليم ورئاسة الوزراء ورئاسة الجمهورية
ووزارة الداخلية على الهواء
مباشرة ونشوف مين بيحمى الظالم ويتحدى ربنا ( العدل ) .