بالفيديو : اعترافات وتفاصيل القبض على ابو بدلة والفعل القبيح فى بير السلم مع سارة بنوتة المعادى

ننشر كل تفاصيل متحرش المعادى واعترافاته والبطلة التى انقذت الطفلة واسرار التحرش كاملة

 اعترافات وتفاصيل القبض على ابو بدلة والفعل القبيح فى بير السلم مع سارة بنوتة المعادى 

متابعة : منصور الجزار 

 يا اخينا انت بتهبب ايه !!! يخرب بيت شيطانك !!! وانت ياست منك ليها وحياة ربكم تخللوا بالكم على ولادكم وعلى نفسكم ... ابوس رجليكم اتعلموا انه مش كل واحد لابس بدلة محترمة، ولا نضارة طبية ماركة، ولا تسريحة شعر ع الموضة، ولا كرافتة غالية على قميص مكوي، وسنه وشكله محترم، وحاطط برفان ريحته حلوة، وطريقة كلامه متحضرة، ووظيفته كبيرة ومرموقة، ولا إبتسامته هادية، ولا صفحته كلها قال الله وقال الرسول ، دليل على ان فيه انسان معتدل سوي وراها ، ابوس رجليكم متخلوش المظاهر تخدعكم ، افهموا يللى بتربوا اجيال ، افهموا يللى بتصنعوا الرجال ،افهموا يللى بتتخدعوا من اشباه الرجال . 

فى المعادى وامام ميدان الحرية وفى عمارة سكنية يتم ترميمها وبالدور الارضى معمل تحاليل وامامه كاميرات مراقبة تدور الحكاية

 ايه حكاية البنوتة سارة ومين البطلة اللى انقذتها ، والمتهم قال ايه فى اعترافاته بعد القبض عليه .. 

فى البداية لازم ندى نصيحة للست المصرية الجدعة اللى بتتعامل على نيتها .. خللوا بالكم صفحات التواصل الاجتماعى مليانة ذئاب بشرية واكتر ناس بتتخدع هما الستات الفاضلات ، بتبتدى الحكاية بلايك ثم قلوب ثم ثم ثم والخدعة تبتدى من ذئاب بشرية مستخبية ورا قال الله وقال الرسول وشوية صور بعضها شبه عارى بعضلات ولا فى حمام سباحة استعراض ذكورة وصور جمب عربيات ومناظر سياحية وهنا تبتدى الفريسة تعجب او ترتاح لذئب بشرى معدوم الضمير .. 

قضيتنا النهاردة قضية ذئب بشرى كان هيدمر بنوتة اسمها سارة وانقذا ربنا من خلال ست مصرية جدعة بعيدا عن ديانتها فهى ام مصرية جدعة والمتهم بعد القبض عليه قال ايه .. تعالوا نشوف التفاصيل. 

 يا اخينا انت بتهبب ايه !!! يخرب بيت شيطانك !!! انت مجرد حيوان، حيوان ايه؟ دا الحيوانات تخجل تعمل كدة، مسخ مستخبي ورا البدلة والاحترام، فارد طوله وسنّه والاسم راجل، ورايح يتحرش ببنت عمرها 6 سنين في مدخل عمارة، بنت ربنا اعلم الحادثة دي هتعمل ايه فى مستقبلها وهى طالبة بالصف الاول الابتدائى وهتكمل دراسة ولا مش هتقدر .. بتقول انك منفصل عن مراتك من 6 شهور .. ده مش مبرر !! انت لازم تتربى من اول وجديد ... 

 يا اخينا انت بتهبب ايه !!! يخرب بيت شيطانك !!! راجل تشوفه تقول عليه موظف في بنك ولا دكتور محترم، هو فعلا من حسابه عالفيس شغال برة وحاجج بيت الله، حسابه كله ادعية ودين، ، متجوز ومخلف، من نوعية اللي يكتبلك آية او حديث على اي بوست، شكل بس خادع للي يشوفوه، لولا ان ربنا شال عنه الستر والله اعلم دي المرة الكام اللي يعمل فيها كدة، كان زمانه مكمل في القرف اللي بيعمله ده، مرة واتنين و١٠ . 

 يا اخينا انت بتهبب ايه !!! يخرب بيت شيطانك !!! ياخي بنوتة قد كف ايدك شايف فيها ايه مثير عشان تتحرش بيها؟ ايه اللي اغراك غير انك معيوب وغير سوي ومريض نفسي ومجرم محتاج عقاب؟ اهو العقاب جه من عند ربنا مش من قسم ولا محكمة ووشك هيكون اشهر وش عالسوشيال ميديا اليومين اللي جايين، يمكن ده ذنب بنت عملت فيها كدة ونامت معيطة مش فاهمة، يمكن دعوة ام لفت وصابتك بسبب قرف زي ده عملته ونفدت منه، اهو ربنا عمل منك فقرة، واتفضحت ولا الكاميرا الخفية. 

 يا اخينا انت بتهبب ايه !!! يخرب بيت شيطانك !!! الموضوع ده كبر قوى، بقا كتير، بقا زيادة بشكل مرعب، ومحتاج رادع قوي يوقف كل واحد نفسه تجيبه على فعلة زي دي، الموضوع تخطى لبس البنت ومفاتنها وبقا اي حاجة، اطفال، حيوانات، رجالة، الامر ده جريمة حقيقية، مش عارف ممكن مين يبرر لواحد زي ده بصراحة، دي جريمة محتاجة رادع قانوني قوي. 

 من هى البطلة اللى انقذت الطفلة 

 اسمها الحقيقي أوجيني أسامة ومعروفة باسم إنجي ، في العقد الثالث من عمرها ، تخرجت في كلية التجارة ، متزوجة ولديها طفلان في المرحلة الابتدائية ، تعمل مساعدة طبيب في معمل تحاليل طبية في المعادي ، لها نشاط خيري ومعروفة ومحبوبة بين أطفال المنطقة ، والفتاة الثانية التى كانت معها سكرتيرة وتدعى نجلاء، ودول لازم يتكرموا ويتشالوا ع الراس والعين. 

 اعترافات المتهم بعد القبض عليه 

 في أقل من 24 ساعة، تمكنت رجال مباحث القاهرة تحت إشراف اللواء نبيل سليم مدير الإدارة العامة لمباحث القاهرة، بالقبض على المتهم ، واستعانت أجهزة البحث الجنائى بمديرية أمن القاهرة بقيادة اللواء محمد الشرقاوي مدير المباحث الجنائية وبرئاسة العميد طه فودة رئيس مباحث قطاع جنوب القاهرة، بالتقنيات الحديثة لكشف هوية المتهم ،وبإجراء التحريات وجمع المعلومات وتفريغ كاميرات المراقبة بقيادة المقدم إسلام بكر رئيس مباحث قسم شرطة المعادي، تم تحديد المتهم داخل إحدى الشقق السكنية بحلوان، وبإعداد الأكمنة اللازمة تم ضبطه. 

 وكشفت وزارة الداخلية المصرية في بيان أن الأجهزة الأمنية ضبطت المتهم بعد انتشار مقطع فيديو على فيسبوك "يظهر فيه وهو يتحرش بطفلة بمنطقة المعادي بالقاهرة". 

وأشار البيان إلى عرض الشخص المذكور على النيابة العامة للتحقيق في الأمر. وقال المتهم ويدعى محمد جودت، في التحقيقات إنه منفصل عن زوجته منذ 6 أشهر، ولديه طفلان: مطلق مراتي عشان كان فيه خلافات كتير بينا، وعندي ولد وبنت منها عايشين مع أمهم . 

 وأضاف المتهم في محضر الشرطة : «أنا عارف البنت كويس وكل يوم بشتري منها مناديل، ومكنش قصدي اتحرش بيها، أنا كنت بضحك معاها»، بتلك الكلمات حاول المتهم تبرير جريمته الموثقة بالفيديو. 

 وأوضح المتهم محمد جودت، أنه يعمل محاسبًا في شركة عقارات، وعمره 37 سنة، وأنه يمر يوميًا من ميدان الحرية بالمعادي، ويشتري المناديل من طفلة المعادي «سارة»، وهي تعرفه جيدًا كذلك، كانت تتبعه حتى دخل العقار، وبدأ في التحرش بها.