منصور الجزار يرصد مصيبة كبرى لهويدا مسعد : المديرة تتاجر بطالبات المدرسة بنشر أرقام تليفوناتهم وعناوينهم على الفيسبوك

متابعة ورصد : منصور الجزار

بلاغ للرجالة أولياء الأمور اللى عندها دم بمدرسة المنصورة الثانوية بنات  بالصور أرقام تليفونات وعناوين بناتكم على فيسبوك

بسم الله الرحمن الرحيم ( وَلَقَدْ جَاءَهُمْ مِنَ الأنْبَاءِ مَا فِيهِ مُزْدَجَرٌ ) صدق الله العظيم .

مع كامل الاحترام لمن سيتم ذكر أسماؤهم ومع الاحتفاظ بالألقاب لن أتحدث عن الأشخاص ولا عن الحياة الخاصة لأحد ..

لكنني سوف أتحدث بما كفله لى الدستور من حرية الرأي بالتعبير أو النشر أو الكتابة ومن يقاضيني فليقاضى الدستور أولا .

اخترت لمؤسسة الأنباء هذا الاسم من كتاب الله والآية واضحة وضوح الشمس لكل فاجر وكافر وظالم وفاسد ..

كده خلص الكلام بتاع المقدمة ..

نبتدى الحكاية ..

لوكانت هويدا مسعد مديرة المدرسة تعلم فتلك مصيبة عظمى ... وان كانت لاتعلم فالمصيبة اعظم !!!

المديرة ياسادة اللى المفروض انها مربية فاضلة والمفروض انها ست بتخاف على بنات مدرستها اللى المفروض هما عندها زى بناتها والمفروض اننا شرقيين ودمنا حامى وعندنا دم ...

والمفروض اننا نستر بناتنا ..

والمفروض الأكبر ان اى أوائل مدرسة نعلن عنهم ونفرح بيهم ايوه ...

بوضع اسمائهم ودرجاتهم وفصلهم وبس !!! وبس !!! فى كل مدارس العالم كده !!

هويدا مسعد ياربنا ياكبير بتفضح بنات مدرستها ومش خايفة من حد ولامنك ... 

هويدا مسعد يامباحث الآداب بتفضح بنات مدرستها ومش خايفة من حد ولامنكم  ...

هويدا مسعد يارئيس الجمهورية بتفضح بنات مدرستها ومش خايفة من حد ولامنك ...

هويدا مسعد ياوزير التعليم بتفضح بنات مدرستها ومش خايفة من حد ولامنكم  ...

هويدا مسعد ياوكيل الوزارة بتفضح بنات مدرستها ومش خايفة من حد ولامنكم  ...

هويدا مسعد يامدير ادارة شرق بتفضح بنات مدرستها ومش خايفة من حد ولامنكم  ...

هويدا مسعد يا اولياء الأمور ياللى فى عروقكم دم وعندكم نخوة بتفضح بنات مدرستها ومش خايفة من حد ولامنكم  ...

وبتنزل على صفحة ( أنشطة مدرسة المنصورة الثانوية بنات بالمختلط ) بتاريخ 16 يوليو 2018 أوائل المدرسة فى الثانوية العامة عندها فى الأقسام الثلاثة بارقام التليفونات وبالعنوان التفصيلى للطالبات ..

حد من اللى عنده دم يقوللى ده يبقى ايه ؟؟؟

وهل اى اب أو اى أم محترمين  يوافقوا على ان بنته  على العام لكل الناس يتعرف تليفونها وعنوانها بالتفصيل ...؟؟؟

هو الوش بقى مكشوف كده عينى عينك ؟؟؟

هو الدم بقى ميه كده عينى عينك ؟؟؟

هو محدش مالى عنيها من القيادات كده عينى عينك ؟؟؟

احنا عشان ولاد اصول وعندنا بنات هننزل ليكم بالصور اللى قلناه بس بنعتذر على اننا غطينا اسماء البنات وارقام التليفونات والعناوين !!! عشان عندنا دم وعشان اهلنا ربونا صح !!! وعشان بنخاف ربنا فى بناتنا !!!

ويادوبك ده دبوس صغير ولسه جراب المدرسة مليان حكاوى وربنا معايا ضد المديرة التى تدير بلا رقيب ولا حسيب ولا بيهمها مسئول ولا بيهمها رب ...

ويا أنا ياشلة الفاسدين اللى بيسندوها ..