كتب :
منصور الجزار
رصد
القنابل : أميرة ربيع ومحمود التمساح
بسم الله الرحمن الرحيم
( وَلَقَدْ جَاءَهُمْ مِنَ الأنْبَاءِ مَا فِيهِ مُزْدَجَرٌ )
صدق الله العظيم .
مع كامل الاحترام لمن سيتم ذكر أسماؤهم ومع الاحتفاظ
بالألقاب لن أتحدث عن الأشخاص ولا عن الحياة الخاصة لأحد ..
لكنني سوف أتحدث بما كفله لى الدستور من حرية الرأي بالتعبير أو النشر
أو الكتابة ومن يقاضيني فليقاضى الدستور أولا .
اخترت لمؤسسة الأنباء هذا الاسم من كتاب الله والآية واضحة وضوح الشمس لكل
فاجر وكافر وظالم وفاسد ..
ليس عندي ما أبكى عليه فلقد وهبت نفسي لله لا
طامعا لي ولا لأبنائي منصب ولا مال فنحن عائلة الجزار اكبر واقوي من أي حد برجولتنا وأخلاقنا واجتهادنا ..
كده خلص الكلام بتاع المقدمة ..
نبتدى الحكاية ..
يا رئيس الجمهورية مهما كنت ومهما خاف الجميع
منك فأنت لست
الله لأخاف منك ..
حرام قوى يتولى أمور أولادنا وزراء فاشلون وخلينا فى التعليم أحسن
..
بيحبك يا سيسى شعب كامل ماشى ..
بينداس على الشعب بالجزمة ماشى ...
وبحجة إن الشعب بيحبك فبيستحمل ماشى ..
لكن أن يستمر الضرب في الميت فهو ده الحرام
بعينه اللي لازم أنت تقطع رقابيهم ...
دول مش حكومة بتساعدك ودي مش وزارة تعليم بتساعدك
..
التقارير الأمنية بتعطيك تمام ..
لكن ورب الكعبة الحال مش تمام ..
ده الحال كفر وظلم وقهر وسرقة ودعارة من عصابة أي على بابا في كل مصر ..
أنا بقول كلمة حق ورزقي على الله ومش خايف من أي حد عشان ربنا أقوى
من الكل ..
على عبد الرؤوف وكيل وزارة التربية والتعليم بالدقهلية بيتغذى على ما نكتبه ونكشفه
ومفيش مرة واحدة أصدر قرار ونصر الحق ..
عارف ليه يا ريس ؟؟
عشان في حكومتك حماة ورعاة للإخوان وللإرهاب والدلائل موجودة وأنت
صامت لم يري الشعب طبطبتك ولا حنيتك والدليل موجود !!
سلمت القط مفتاح الكرار !!!
اعذرني أصل أنا فلاح !!
والله الشعب مصدوم من سكوتك !!!
بلاش أتكلم في الدلائل على خراب التعليم
والعزبة التي يقودها دكتور أكاديمي عيبه أنه مش ترزى !!!
مش صنايعى !!
ودلائل الخراب تملأ الأرض طولا وعرضا ويراها
رجالك ومن هم حولك ...
فكيف لا تراها ؟؟؟
قنابل عددها ( 11 ) ستدمر أفراد الشعب من صنع الإخوان وتلميذهم النجيب على عبد الرؤوف وكيل الوزارة ..
منصب كبير على موهوب وصنايعى وترزي شاطر ناجح
بإمتياز في تنفيذ التعليمات !!!
يعنى
بالفلاحي يا ريس
( اربط الحمار لا مؤاخذة مطرح ما يعوز صاحبه )
ولسان حالهم يقول هي كانت عزبة أبونا ..
المهم الكرسي ورضا الأسياد على العبد المنفذ
المطيع !!!
ولو كان كلامي غلط كان أصدر قراراته للتصحيح
وتنفيذ تعليماتك وإعلاء العدل في دولة العدل من خلال القنابل الـ ( 11 ) التي سوف نحكى عن أربعة قنابل موقوتة فقط منها اليوم !!!
القنبلة الأولى يا سيسى عشان أمن الدولة
تجاوبك !!!
كشف بأسماء عائلة على عبد الرؤوف وكيل الوزارة برقم عضوية وموقع كل فرد في العائلة بجماعة الإخوان الإرهابية ..
يعنى يا ريس انتخبناك عشان تحارب الإرهاب والجماعة الإرهابية وسايب التعليم في أيديهم وكمان تابع لنقابة المعلمين
بدكرنس إخواني تم ترقيته من على عبد الرؤوف بعد ما الست زوجته اللي بالتربية
والتعليم شتمتك ..
وده
مش موضوعنا المهم الكشف هتشوفوه ويارب كلامي يطلع غلط ..
بس والله كلامي ما هو غلط يا ريس !!
وتخيل يا ريس غضب الشعب منك في موضوع زى ده
ممكن يعمل إيه في شعبيتك !!
القنبلة الثانية يا ريس مدير مدرسة عزبة
عقل والفضيحة أم جلاجل لعلى وعبد الحميد موسى اللي قالوا للقيادات طظ في قراراتكم وهى القنبلة اللى بيزرعها الاخوانى على عبد
الرؤوف ..
على عبد الرؤوف وعارفينه يا شطار ده بينفذ
قرارات وتعليمات وتحت أيده عبد الحميد موسى اللي حكاياته عندي والله تشيب الشعر وتفقع المرارة وبرضه بينفذ
تعليمات خوفا على مكانه الغير قانوني ياريس حسب ماورد إلينا ونحن لا نتجنى على أحد وكله بالمستندات والقانون
.
البهوات عملوا ايه زى ما المستندات بتقول :
ـــ لابد من ضرورة
الالتزام بالقانون 155 لسنة 2007 وتعديلاته واللائحة التنفيذية428 لسنة 2013 ، وحسب ماجاء من ادارة الفتوى بالوزارة أنه
لا مانع من الاستعانة بأى من العاملين بالنقل لتيسير العمل بالادارة التعليمية
وهذا البند فى 8/4/2013 على أن تتوافر للمرشح الشروط التالية..
( يعنى مش سبهللة هى )
( ولا عزبة بابا ولا عزبة على بابا هى )
صح ياريس ..
صح يا وزير ..
الشروط هى :
ـــ الحصول على مؤهل
عالى تربوى مناسب أو مؤهل عالي مناسب بالإضافة الى شهادة إجازة التأهيل التربوى .
ـــ إجتياز برنامج
التنمية المهنية فى مجال الإدارة التعليمية التي تقررها الأكاديمية المهنية
للمعلمين .
ـــ أن يكون من شاغلي
وظيفة معلم أول أ بأقدمية سنتين على الأقل .
ده المستند الاول
والبيه عبد الحميد موسى المحمى بعلى عبد الرؤوف
( وكلاهما يردد هو وأعوانه )
احنا جامدين قوى ...
احنا اقوى من اى حد...
احنا محدش يقدر علينا ,,
واللى مش عاجبه يخبط دماغه فى الحيط ,,
أصدر عبد الحميد موسى أمر تكليف لعادل ابراهيم الدسوقى وهو حسب ماسنرى فى المستند الثالث غير مؤهل
لهذا المنصب ,,
وهذا هو أمر التكليف وهى القنبلة اللى بيزرعها الاخوانى على عبد
الرؤوف بمساعدة عبد الحميد .. .
المستند الثالث مذكرة على مكتب المحافظ السابق شعراوى
تتهم المذكرة عصام السيد وكيل ادارة شرق ( مصيبته جاية فى القنبلة اللى بعد دى ) عمل ايه عصام افندى قام هو
وحبيبه وتوأمه فى السيكو سيكو قصدى الخراب والعزبة الملاكى محدش دماغه تحدف شمال
..
أولا : قاموا بتكليف عادل معلم مجال صناعى مؤهل متوسط مدير لمدرسة عزبة عقل مخالفين
القانون 155 اللى لسه كاتبينه فوق ..
ثانيا : تجاهلوا وتخطوا اختصاصات ادارة
التنسيق للتعليم الابتدائى بالادارة والمديرية ..
ثالثا : تجاهلوا ممن تنطبق عليهم شروط شغل الوظيفة داخل المدرسة أو
خارجها وطبقا لحكام القانون .
رابعا : تكليف عادل الدسوقى بالمخالفة لحصوله على دبلوم
صنايع .
خامسا : تجاهل الشكوى المقدمة من احد مدرسى المدرسة الاستاذ امير كمال شحاتة ومقيدة برقم 321 بتاريخ 10/5/2017 بدفتر وارد المديرالعام اللى هو عبد الحميد اللى هو مكلفه أصلاً ..
المصيبة السودة ان عادل الدسوقى بعد مابقى مدير على من هم أعلى منه مؤهلاً فتح العزبة ع البحرى والعهدة على الراوى ومن مصدر
مؤكد جداً قبل تبرعات من فتاة كلها ورد غالى واسمها ورد ربنا يبارك فى ورد الجناين ..
الحنية اللى مغرقة الادارة وكلها حنية فى حنية ..
قام عادل أفندى جاب الفتاة ورد خلاها مدرسة حساب ( مش مدرسة ولا ليها علاقة بالتربية
والتعليم )
دخلت تدرس
ببلاش فى
العزبة الملاكى ياريس..
وصوروها وهى بتدرس وسلموا الفيديو للأب الحنين عبد الحميد موسى مدير ادارة شرق المنصورة اللى
انتفض وقام
ايه ارسل
المحققين للمتابعة واوقفوا الاخ عادل ولسه الموضوع فى الدرج الكبير ومحدش عارف جرى ايه وحصل ايه ياريس .
وزاد الطين بلة ان مدير الادارة جاب مدرس حاسب آلى وعمله مدير ويادوبك لسه الدراسة بتبتدى نقوم نسمع ونشوف
فى نفس المدرسة اللى فى العزبة نط من ع السور 2 شباب وحصول هرج ومرج واسلحة واعتداءات والاهالى فى حالة هيجان ضد المنظومة ياريس .
والموقف خطير وتقوم الادارة بنفى الموضوع ويقولوا الولدين واحد جرى والتانى مسكناه وطلع مريض نفسى والحالة تحت السيطرة وده طبعا مخالف للحقيقة
ياريس .
والاهالى موجودة ومدرسين المدرسة الشرفاء موجودة ..
ياترى حد فاهم ليه
التكليف الغير قانونى ومقابل ايه وايه وايه ..
هو ده التعليم ياريس..
هما دول اللى بيقولوا طظ للقانون ياريس ...
والمذكرة أمامكم للاطلاع عليها وهى القنبلة اللى بيزرعها الاخوانى على عبد
الرؤوف ..
القنبلة الثالثة يا ريس قيادات
فاشلة ومسنودة بنواب البرلمان عايشين وقيادات غلابة من قانون يحميهم مطرودين
والسبب عند على افندى عبد الرؤوف وادارة طلخا تلتزم الصمت وتتبع مقولة دى تعليمات
عليا
سعد عابدين أخصائى أول صحافة وتقدم كغيره فى 2015 ونجح وصدر له قرار هو وغيره وأصبح وكيلا لمدرسة منشأة البدوى الاعدادية فى 2015 واستمر هو وغيره بعد انتهاء
العامين لحين صدور قرار التجديد أو العودة من وكيل لاخصائى ..
ودارت الأيام على راى الست ام كلثوم ..
ووجد نفسه سعد عابدين وعدد بسيط خارج الصورة ..
عشان مبيضحكوش وعشان مبيقفشوش قفش يقفش قفشاً يعنى هبشاً وعشان مبيرشوش ..
ولجأوا الى الله ثم الى النائب فؤاد بدراوى الذى بدوره تحدث مع ادارة طلخا الذى بدورهم طنشوه وأهملوه وطلب النائب رفضوه ..
تحذير هام : اوعى حد يمشي ورا أووووه ويقول حاجة عيب !!!
كل اللى فات حمادة واللى جاى حمادة تانى خالص ياريس ..
شوف البهوات من أول الوزير الأكاديمى ونواب البرلمان واوعى حد يغلط فيهم
ويسميهم نواب البرطمان عشان عيب ..
شوف ياريس الظلم والوساخة والكوسة والمصالح من ورا ضهرك بيحصل فيها ايه
برعاية الوزير الاكاديمى ومن هم تحت قيادته
اللى بيديروا منظومة ملعونة ..
النائب مكرم رضوان ونقيب المعلمين السيد فرج اللى عليه علامات استفهام كتييييير وملفه عندى ورئيس مجلس الامناء بالمديرية يرتكبوا ثلاثتهم جريمة مضمونها ياريس اننا هنعمل اللى احنا عاوزينه
وهى :
كتبوا مذكرة للوزير اللى طبعا وافق عليها لاستمرار اشرف الغرباوى حبيب على عبد الرؤوف وبلدياته وكمان عصام السيد الوكيل اللى كان فى ادارة شرق غير قانونى وراح نبروه برضه غير قانونى وبلاويه السودة بلون قرن الخروب عندى وهننشرها فى حينها ..
المهم لما ياوزير التابلت ياللى متعلمتش ازاى تبقى ترزى وصنايعى لما تشيل او تسيب العصابات تشيل كفاءات وتسيب من عليهم علامات استفهام وبلاويهم واضحة يبقى متنفعش تدير وزارة ..
واللى تم استبعادهم وهم شرفاء بالقوة سيتم عمل اخلاء ادارى
بالقوة لهم ....
والله العظيم ياريس ده حرام ..
والله العظيم ياريس ده ظلم ..
الناس المستبعدة مفيش عندهم مانع ينفذوا بس شوف اللى تم
التجديد ليهم مصالح ايه ومع مين ..
والعبد لله اللى هو انا منصور الجزار عارف بلاويهم ياريس ..
ووزير التعليم شاطر بس يقفل صفحات ويمنع حرية الراى ويقفل
أفواه اى حد ..
منتظر ايه ياريس ..
واخرتها ياريس ..
الناس اللى بيوتها بتتخرب ياريس ..
مستنى منها تحبك ولا تخاف عليك ولا دى تعليماتك تموت الشعب
بوزراء فاشلون فى الادارة ياريس ..
ودى مستندات القنبلة الثالثة اللى بيزرعها الاخوانى على عبد
الرؤوف
القنبلة الرابعة يا ريس هويدا مسعد المرأة
المدعية بانها محمية بالجهات الأمنية ومحدش يقدر عليها وان امن الدولة وقيادات
الدولة فى جيبها
أولا وثانياً وعاشراً هى مجرد مديرة لايجب أن أعطيها أكبر من حجمها فأنا أعلم جيدا أن كل كلامها تهويش ولكن الحقيقة المؤكدة أن على عبد الرؤوف الاخوانى ومساعده الكبير عبد الحميد موسى هم من يحموها وهم من يعطوها الظل لتلعب فى الممنوع بمعارفها فى الجهات الأمنية عن طريق زوجها ؟؟؟؟؟؟؟!!!!!
الذى يرفض كما وصلنى ان يتم استخدامه فى تخويف البشر فهو رجل عاقل وكل من تعرفهم وتدعى انهم
يساندونها من عائلتها يرفضون ان يتم استخدامهم كسلاح للتخويف ياريس ...
لكن حمايتها واللعب فى الممنوع يأتى من وكيل الوزارة ومدير الادارة والدليل موجود ياريس ولو وكيل الوزارة ومدير الادارة ورئيس مجلس امناء ادارة شرق الثلاثة عندهم نخوة وإعلاء كلمة الله العدل ورفع الظلم عن من تزج بهم فى امن الدولة بمساعدة من ذكرتهم يرفعون على العبد لله قضية وساعتها نطلع المستخبى وكل
واحد يعرف هو فين ياريس ..
الثلاثة بيحموها ليه ياريس ؟؟؟
مقابل ايه ياريس ؟؟؟
وقرار استبعادها من سنتين فى الدرج بيعمل ايه
ياريس ؟؟؟
وتزويرها سايبينه هما الثلاثة ليه ياريس ؟؟؟
والثلاثة سمحوا لمديرة مدرسة متهمة فى قضية
50 الف جنيه تتصل بامن الدولة وتهين موظفين المتابعة اللى أثبتوا
تزويرها ليه ياريس ؟؟؟
ورب الكعبة اللى بيحصل ده مايرضى ربك ياريس
؟؟؟
وكفاية لحد كده وهنكمل باقى قنابل وكيل الوزارة الاخوانى وشلته لضرب استقرار الوطن لحلقات جاية ويا أنا والقضاء على
الفساد والفاسدين ..
ياتحبسنى انت ياريس ؟؟؟
وبرضه هيطلع مليون صوت ضد فاسدين التعليم غيرى ياريس؟؟؟
عارف ليه ياريس ؟؟؟
عشان ربنا اسمه العدل ياريس ؟؟؟
ولازم تنتفض بقى فى الفاسدين والاخوان
المجرمين ياريس ...
منصور الجزار محارب الفساد واللى مش هيسيبه
ياريس ...