وكالة الانباء للإنتاج الإعلامى وكالة الانباء للإنتاج الإعلامى
recent

آخر الأخبار

recent
recent
جاري التحميل ...

منصور الجزار يكشف بالمستندات : الحلقة الاولى من مسلسل المنصورة الثانوية للبنات


ينقل لكم الكواليس: منصور الجزار
ــــــــــــــــــــــــــــــ
لمن يفهم  !!! ليس الدور الإعلامي هو اصطياد البلاوى والسلبيات بقدر ماهو محاولة لعلاج الخلل الذى يقع أمامنا ونحاول إصلاحه !!!!
بداية القول لازم تريحوا كده على الانتريه ومعاكم فنجان اى حاجة سخنة ومزة لزوم السخن عشان الحكاية دى مسلية وفضيحة كبرى لوزير التربية والتعليم ووزير الداخلية ووكيل وزارة التربية والتعليم ومدير ادارة شرق المنصورة .

ياريت كل من سيتم ذكره هنا يفهم كويس قوى ان مفيش بينى وبينه حاجة شخصية ولا انا غاوى شهرة على قفاكم..
أنا عاشق لمحاربة الفساد لكل من يتقلد منصب ولا يعمل به .
أنا عاشق للدفاع عن كل مظلوم وبعون الله قادر أجيب لكل مظلوم حقه مهما كان الظالم الفاسد  ( مش عشان معايا الرئاسة ولا المخابرات ولا أمن الدولة  ده عشان معايا ربنا اللى اقوى من الفاسدين مهنياً ) .

الأخت أو السيدة هويدا مسعد مديرة مدرسة المنصورة الثانوية بنات بالمختلط  ( لن أتحدث عنك سوى فى الناحية المهنية ) ولك كل الاحترام فى شخصك وسوف انزل بنفسى المدرسة غداً ان لم يكن لديك مانع ولو معك مستندات تدافعين بها عن نفسك فأهلا وسهلا بالمستندات ولك حق الرد مكفول قبل إذاعة كل ماعندى تلفزيونياً وهدفى هو كشف الحقائق بنفسى .

أكثر مايتم تداوله حاليا بالمدرسة وشكاوى تليفونية عديدة تلقيتها أن كل مشكلة تحدث بالمدرسة يتم إجبار العاملين بالمدرسة على التوقيع على اوراق وشكاوى ( يعنى مجبر أخاك لا بطل ) على التوقيع وكله بيدور على مصلحته والبعض خائف من الرفض بالتوقيع .
والاخ هانى جودة مدرس علم النفس بالمدرسة مشوارك طويل يانجم واوعى تزعل انت بتمسك الميكروفون حلو يعنى بلغتنا وبلغة شتايمك لزملائك هقولك ( احنا أسرة مع بعضيييييينا ) .
الاخ عبد الحميد موسى ( ياعمنا حيرتنا معاك ) مش عارف ايه حبك الشديد للصنف ( قصدى الشربات ) وماخفى كان اعظم وحياة الهدى والنور ماتزعل ياشيخ ، وانا خايف عليك صدقنى الشربات مسكر قوى وده ضرر عليك ومش هتقدر تسد ( اوع نيتك تروح سكة تانية ) حاش لله ده انا نفسى ازورك بمكتبك وأخدك ( بالاحضان ) .
أما النجم الكبير قوى وكيل الوزارة طبعا ده كبير المقام وسنه قريب من سنى ( بيموووووووت فى الأفلام اللى شغالة ) وبيحب يتفرج وغيره يتصرف .

نيجى بقى لوزير التابلت والتعليم اللى نفسى اشوفه بيلف ع المدارس زى الناس ويبطل ياخد تقاريره من السوشيال ميديا .
ياوزير التابلت والتعليم ماهو اصل مفيش تربية ( بح خلاص ) ولو انا كداب شوف اللى بيحصل بالمدارس من تربية ،،، انت ليه فرحان قوى بالتكييف وقاعد بمكتبك وانت أفضل موقع عالمى لك فى مصر تكون مستشار تخطيط دولى للرئيس وتقعد ترسم وتخطط أحسن لك بدل البهدلة ياراجل ووجع قلبك مع الولاد ( بس ياولا وبس يابت  وسكوت وقيام وجلوس وطباشير  أصل البهدلة دى عمرك ماهتحسها عشان انت تعليم مدارس لغـــــــــــات ومشتغلتش مدرس ومتعرفش معاناة المدرس شكلها ايه ) .
نييجى بقى لوزير الداخلية اللى عندنا اسامى كتير لمسئولين ولو نزلنا اعلان على الفيسبوك مين المتضرر من العاملين بالتربية والتعليم  من قيادات بالتعليم بتخويفه من جهات امنية ( امين شرطة قريبى ورئيس مباحث معرفة ولواء ابنه عندنا وامن دولة حبايبنا هنبلغ فيك انك اخوانى وهيصدقونا ) ياوزير الداخلية هو حضرتك متعرفش ان المدرسين عايشين فى جو ارهابى من كل من هو بالداخلية وامن الدولة 
ولكل ماسبق ذكرهم والله ربنا هيوريكم ايام سودة على ارهاب المدرسين وتخويفهم ومعاملتهم كأنهم عبيد .

نبتدى الحكاية ( المشهد الأول نهار داخلى )
ـــ  الأستاذ هانى جودة ( أخصائى ) مدرس علم نفس وصل للمدرسة بطريقة يفتخر دوما بها وهو أنه جاى من فووووق ويقدر يفرم اى حد ويشتم زملاؤه على الفيسبوك شتائم مش محترمة وترد عليه المديرة وهذا هو الخطأ العظيم أن تقوم قيادة بتداول الرد والتعليق على السوشيال ميديا  وفى النهاية يرجع يقول لزملاؤه ( احنا أسرة مع بعضيييييينا ) .
واليكم جانب من اللحن والاغنية بينه






هو نفسه ذات نفسه عشان مشهووور قوووى ومدلل لدى القيادات كما تم تبليغنا صمم يبقى هو مقدم احتفالات اكتوبر وهو نفسه المشرف على عرض رياضى للبنات وهو نفسه المخرج للعرض واللى مش عاجبه وبلغة مرتضى منصور الرائعة ( يشرب م الخرارة ) .
والمصيبة هنا ان مدرسات التربية الرياضية المسئولات عن الطالبات  رفضوا العرض وان بناتنا تنام ع الارض وتمثل  ، ومين فينا لو عندنا دم يقبل انه يشوف بناتنا بالمنظر اللى هنشوفه ده .






ومش كده وبس لما اخصائى علم نفس وبقى مدرس علم نفس  يبقى فى مدرسة بنات وبيتعامل مع زميلات فاضلات يقوم على صفحته يتباهى بعلاقته النسائية بالحسناوات .. يخرب بيت ابو كده فين دم الرجالة الحامى اللى بناتهم بالمدرسة  زى ماهتشوفو الصور حالا .
واليكم صور للمربى الفاضل وايييييييه ياناس هو فيه دم فاضل


باقى التفاصيل بالمستندات ستكون غدا بعد العصر بعد اتصال اعداد كبيرة من المعلمين المتضررين بى تليفونيا وعلى الفيسبوك وارسالهم لى مستندات وحكايات لا تصدق ضربات قاتلة ستكون سيفاً على من سبق ذكرهم وسوف أقوم بإذاعة كل الأحداث بالفضائيات فى وجود متابعة من مكتب الوزير  وتواصل مع الداخلية ورئاسة الجمهورية .
ملحوظة ( كل الباقى والله العظيم مصايب ) لكنها تحتاج للدقة قبل النشر لأنها لن تكون رحيمة على فاعليها .

عن الكاتب

وكالة الأنباء للإنتاج الإعلامي

التعليقات


اتصل بنا

إذا أعجبك محتوى موقعنا الاخبارى نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد الموقع أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

وكالة الانباء للإنتاج الإعلامى