منصور الجزار يكشف فساد التعليم بالدقهلية بالأسماء والمستندات واللحاليح (الحالة الأولى)

ينقل لكم الكواليس والفضائح : منصور الجزار

ومش خايف من اى فاسد هيحاربنى ولا هخاف غير من ربنا اللى اقوى منكم ..

وانا والحمد لله وهبت فكرى وجهدى وعمرى لنصرة المعلم المصرى الشريف المقهور بفعل فاعل تقديره معلوم لكم جميعا .

بداية القول .. ليس بينى وبين من سأكتب عنهم اى خلافات ولا أى مصلحة ولا اى بيزنس من اى نوع ( ولن يكون ) .

العلاقة الوحيدة بينى وبين كل من اكتب عنهم وسيتم ذكرهم وهم فاشلون مهنياً هدفى فقط هو كشفهم للرأى العام لأنهم مخالفون للقانون وللعادات والتقاليد وللأخلاق ومستمرون منذ فترة فى الشغل ( الشمال ) .

ومن سأتحدث عنهم فى سلسلة حلقات مكتوبة قبل الحلقات المذاعة فضائياً هم بلا خوف منهم ولا أدنى اهتمام بأساليبهم الوضيعة فى تخويف كل من يقف فى وجههم .

والحمد لله أنا عينى لاهى مكسورة ولن تكون .

وابطال فشل المنظومة التعليمية بالدقهلية حسب ماوصلنى من معلومات ومستندات وجب على شخصى اعلانها أمام الجميع ووجب عليهم قبول النقد منى ومن كل مظلوم ومع كل الاحترام للجميع فأنا لى رأى فيهم حتى الأن وهم ( وكيل وزارة التربية والتعليم بالدقهلية على عبد الرؤوف وعبد الحميد موسى مدير ادارة شرق التعليمية ووكيله السابق عصام السيد ومحافظ الدقهلية 2015 والحالى ورئيس مجلس الامناء بالمديرية السابق محمد رجب عبد الهادى) وفى التحابيش عدد من المطبلاتية ماسكين مناصب مابين مدير متابعة ومديرى مدارس .

ورأى كاتب السطور المتواضع عن ماسبق ذكرهم انهم وبالبلدى ناس طاهرة وهتفضل طاهرة وسيرتهم شربات ( شربات ) ولا ليهم فى الحريم الأرامل والمطلقات ولا فى السرقة ولا فى الكوسة ولا مخالفة قانون ولا بيطاردوا حريم ولا بيعزموا على حريم فى شقق بمجمع المحاكم ولا شقق براس البر ولا فاتحين مكاتبهم للدعارة ولابيجاملوا اللواء فلان ولا بتوع المخدرات .. دول ناس شريفة يابا .. حاش لله ..

والحلقات الجاية هنكمل كشف عن حالات العشق الممنوع والوكيل اللى راح نبروه وكان مقضيها حب واحضان وموسى اللى طلع فرعون وعشقه للسيكو سيكو

ياوزير التعليم ويارئيس الوزراء .. ارحموا أم اللى جابونا وارحموا أولادنا وارحموا المدرسين الغلابة المقهورين والاداريين المظلومين ..

كل الهيكل الادارى والمهنى بالوزارة مخنوقين من قرارات فاشلة ومناهج اكثر فشلا وروتين تافه .. أنتم السبب فى وضع كل المدرسين أمام العالم وكأنهم من كوكب متخلف مع أن كل العاملين بالتربية والتعليم أرقى وأجل منكم يامن تقودون السفينة بعقول فارغة وروتين وقح .

عاوز تعرف ياوزير التعليم غضب الناس منك جاى منين !!!

منك انت واللى سبقوك محدش فيكم قادر يقطع رقبة الفاسد وينهى خدمته ...

من ان الكل شايف الفاسد والنسونجى والمرتشى بيكبر وبيترقى ....

من انهم شايفين الدنيا ماشية بالعكس وانتم اللى بتمشوها بالعكس ...

ياوزير التعليم لازم يكون فيه نخوة وتقضى على الفاسدين وتعلن ده امام الجميع عشان يكون عبرة لغيره ..

تعالوا نشوف الحالات للجزء الأول من فساد تعليم الدقهلية

محافظ الدقهلية 2013 اللواء الشوادفى اللى ضحكوا عليه بتوع الاورمان وجابوله موظفين على انهم عرسان واللى حصل فى عهده بلاوى وهنختار منها بلوة تخص التعليم وهى :

انه وافق يلم كل مدير مدرسة من كل طالب 5 جنيه فى 12/11/2013

وعلى طول استغلها محمد رجب عبد الهادى رئيس مجلس الأمناء بالسنبلاوين وهو فى نفس الوقت رئيس مجلس الأمناء بالمديرية ..

على الرغم من ان المحافظ كان لغى ورجع فى قراره لكن الحلوين استغلوا تمرير القرار لجمع فلوس .. حلو كده !!

وطبعا على عبد الرؤوف بصفته كان مدير تنفيذى للمجلس ده اللى هو بتاع المديرية اللى لازم تكون موافقة حاجة بالشكل ده لأمناء المديرية الأم ويعمم على أمناء الادارات ... حلو كده !!!

وحاليا هما الاثنين الحلوين فى مجلس أمناء المديرية ( زمل ) بضم الزال ...

قاموا البهوات فى قعدة صهللة بالاتفاق على الأتى :

وضع فلوس مجلس الأمناء فى البريد المصرى ( والبريد كأنه حساب خاص ) نسحب براحتنا ونرد أو منردش ونشغل الفلوس ووقت الجد يردوها بعد مايكونوا شغلوها وغسلوها وشطفوها !!! أو متتردش ويسوها فواتير .. وطبيعى الاثنين الحلوين مفيش حد هيعرف يعمل معاهم حاجة.. طولت عليكم !!

موافقة المحافظ الاولى فى 2013 وتوصية اللى ماسك المجلسين ( سنبلاوين ومديرية ) فى 2015 وحركة الحساب اللى هتشوفوها حالا فى 2017 .. ياعم منصور هنتوه منك .... اعذرونى الحساب فى 2017 كان 195 ألف ، 917 جنيه بيزيد ومش بينقص وفى البريد مكان غير قانونى ... يعنى ممكن اطلع اى مبلغ واشغله بره واجيب ضعفه مرات والغلة تتوزع ومحدش بيحاسب حد ... طبعا وصلنى امس ان الحساب ده اللى لسه محمد رجب رئيس لمجلسه ممكن يكون عدى المليون بره الحساب الموحد وبره حسابات الدولة وبيلعب بيهم هو ووكيل الوزارة ( يعنى بيقرطسوا الحكومة ), فهمتم .

أخر حتة فى الجزء ده ..

اسئلة صريحة وياريت يكونوا رجالة ويجاوبولى ببيان رسمى

لمحمد رجب عبد الهادى ولعلى عبد الرؤوف منى انا منصور الجزار ..

هل تم أو يتم السحب من البريد ومن حساب مجلس امناء السنبلاوين من 2013 حتى اليوم أم لا ؟؟؟؟؟

هل الحفلات والتكريمات بالسنبلاوين من الحساب ده ولا بتبرعات خارجية وهل التبرعات دى دخلت حساب رسمى بايصال رسمى ام لا ؟؟؟؟؟؟

هل يجوز لكم فتح حساب بالبريد ؟؟؟

ولو اجابتكم نعم هاتولى مايثبت بكده رسميا ؟؟؟؟

هل تم تعيين او التعاقد مع عمال وهل تم الصرف لهم أم لا ؟؟؟؟؟؟

ودى 3 مستندات الاول خطاب موجه للمدارس وبيخوفهم بموافقة المحافظ