ينقل
لكم الكواليس : منصور الجزار
هنقول ونعيد وبالبلدي .. والله العظيم نادى المنصورة مش ملك أفراد ولا ملك لصغار يتولون قيادة أموره .. ومهما كان المجلس الذى يدير سواء معين او منتخب ..
فكلنا نعلم أن التعيين يكون بتربيطات ومصالح وضغوط على من يقوم بالتعيين ..
والنجاح بالانتخابات
هو كمان معروف بأعضاء جمعية عمومية بعضها ملاكى ومدفوعة الأجر ( إدفعلي شكرا ) .
يبقى إزاي هنستنى إصلاح نادى هو أكبر
منى ومن كل اللى فيه من كبيرهم لصغيرهم وكلامى ده لو حد زعل منه يبقى بيزعل على
مصلحته اللى ممكن تضيع مش خايف على النادى ، لأن اللى خايف على النادى بجد يصرخ
ويقول للظلم لأ .. ويقول للفساد لأ...
تعالوا نشوف علامات الاستفهام
الكتيرة اللى فى النادى الكبير !!!
الأولة فى
الغرام
أنا قبل
كده كتبت عن صفقة مشبوهة بين محمد عباس وحاتم
المير .
علشان عباس يطنش
تنفيذ الحكم اللى معاه لصالحه بإعادة الانتخابات .. وقلت
ساعتها يكذبونى هما الاثنين ..
عباس يكذبنى
ويرد ويطلع الحكم وينفذ .. وساعتها هعتذر
له !!!
وقلت حاتم
المير يطلع يرد او يكلمنى تليفونيا وهو معاه أرقامي ويرد
رسمى بأن كلامى غلط وانه مفيش احكام والمجلس مستمر ويوضح ليا
وللناس وساعتها هعتذر
له !!!
وعباس والمير لم يجرؤ
احد منهم الرد عليا !!!
وإليكم
صورة الحكم الذى يبطل الانتخابات
التانية فى
الغرام
قائمة عباس اللى
كانت فى الانتخابات وكلها ناس محترمة ليه ساكتة ؟؟؟ وليه
مش بتتحرك ؟؟؟
وسكوتها ده جريمة فى حق أعضاء
الجمعية العمومية اللى ممكن تكون عرفت قيمة بعضهم او كلهم
.
التالتة فى
الغرام
فرافيرو (
أبو زياد ) إسال طوب الأرض بالنادى هتلاقيه
بيروى طوب الأرض بدمه وماله مش عشان إبنه .. عشان النادى وبس !!!
فرافيرو (
أبو زياد ) إسال عليه كل لاعبى النادى من
البراعم للفريق الأول هتلاقيهم يقولولك أبونا وعمنا
اللى بيساعدهم مادياً ومعنوياً
.. مش عشان إبنه .. عشان النادى وبس !!!
فرافيرو (
أبو زياد ) إسال عليه كل مدربى النادى من
البراعم للفريق الأول هتلاقيهم يقولولك أخونا اللى بيدعمهم معنويا
وبيقف معاهم لو فيه اى مشكلة بيحلها فوراًً .. مش عشان إبنه .. عشان
النادى وبس !!!
فرافيرو (
أبو زياد ) إسال عليه كل أعضاء الجمعية
العمومية بالنادى هتلاقيهم يقولولك أخونا أبو
الرجولة اللى مبيخليش مشكلة واحدة تحصل بالنادى طول ماهو موجود بالنادى .. مش عشان
إبنه .. عشان النادى وبس !!!
فرافيرو (
أبو زياد ) إسال عليه كل جماهير ومحبى النادى فى
المدرجات هتلاقيهم يقولولك أكبر مشجع ومحب
للنادى .. مش عشان إبنه .. عشان النادى وبس !!!
مجلس الادارة المحترم
طلع قرار بناءً على مذكرة من محمد رزق وعماد
حمدى مشرفى قطاع الناشئين ضده أنه شتم النادى والمجلس
وطبعاً مفيش مخلوق يصدق عليه كده عشان هو محترم ومتربى وابن أصول ...
ومنعوه رسمى من
دخول النادى وهذا مخالف للدستور بناءً
على المادة اللى فى الدستور دى :
ومخالفين
للقانون اللى اللى مشفناش فيه بند حكم ( قراقوش ) انه
يمنع عضو جمعية عمومية حتى لو قال رايه فى فساد وأخطاء
يراها البصير والأعمى ..
مفيش منع عضو
من الدخول للنادى بدون تحقيق وإثبات ودليل مادى
قوى ...
ودى
نداءاته وأسلوبه المتحضر على الفيسبوك
اللى بيحصل
بنادى المنصورة مع فرافيرو جاء
على لسانه بالبلدى والعربى والأفرنجى وكل
لغات العالم :
انه كان
ضد محمد رزق وعماد حمدى زى
كاتب الكلام ده أنا منصور الجزار كنت ضدهم ..
عشان
كده تصفية الحسابات شغالة الله ينور فى مجلس ( كل واحد
لوحده ) ( يعنى مجلس متفركش ) ..
كله خلافات وكله انقسامات .. وكله
بالحب نعين وبالحب نفصل وبالحب نقطع
رقبة وبالحب نصفى
حسابات وبالحب مجلس إدارة شعاره
( طظ فى مصلحة النادى واعضاؤه ) .
ننتظر وقفة
جادة من محمد عباس لحل المجلس وتنفيذ
الحكم !!!
ننتظر من قائمة
عباس التحضر والتحرك لبدء حملة
الإعادة ولينجح من ينجح !!!
ننتظر من الجهات
التنفيذية حل المجلس والقرار الباطل من مجلس باطل بمنع فرافيرو العضو
المحترم من دخول النادى !!!
فهل من متحضرين
يفهمون ماقلته ؟؟؟
أم يضعونى فى القائمة
السوداء وطظ فى الجمعية
العمومية ؟؟