يرصد المهازل /// منصور الجزار
لمن
يفهم !!! ليس الدور الاعلامى هو اصطياد البلاوى والسلبيات بقدر ماهو محاولة لعلاج الخلل
الذى يقع أمامنا ونحاول اصلاحه !!!!
دى الحلقة الأولى ولسه فى
الحلقات الجاية كل يوم هنقف جمب كل مظلوم حتى لو
كنا هنواجه اى وزير او رئيس الوزراء مش هيهمنا عشان
احنا صوت الحق وصوت المظلوم !!!
إدارة شرق المنصورة التعليمية و إدارة
غرب المنصورة التعليمية وإدارات كثيرة بالدقهلية كلها مليئة
بالوباء القذر لقيادات لاترتقى لمكانة
العلم والتعليم والمؤكد ان هؤلاء هم سبب تدهور التعليم على مستوى الجمهورية .
اليوم فقط سنذكر حالات بسيطة من ادارة شرق ودى
هتبقى الحلقة الأولى أما إدارة غرب ومعها
معاناة ادارة طلخا التى أصبحت على وشك الانفجار هتبقى
فى الحلقات الجاية كل يوم حلقة .
ويا إما الوزارات المعنية تحل وتلم السايب ياهناخد كل
المتضررين وعلى رئاسة الجمهورية ونطلب مقابلة الرئيس عشان كل واحد ظالم فاسد يلم نفسه !!!
ياسادة يامحترمين
.. وزير التربية والتعليم ووزير الداخلية ووزير المالية ..نحن
بمتابعتنا الاعلامية عيون لكم ووجب عليكم
تنفيذ قرارات فورية وحاسمة وقطع رقاب كل من نرصد مخالفاته ووساخته وهدمه
لمنظومة التعليم بل وهدم بيوت وانتهاك حرمات وأعراض ..
انتم الوزراء
المعنيون بالخراب إن لم تنتفضوا للغلابة الذين
يتبعون المثل الشهير ( امشى جمب الحيط )
مدرسين مقهورين ومعاناتهم لايلتفت لها احد
وكذلك اداريين تعاملوهم كانهم
درجة تاسعة .
دى الحلقة الأولى ولسه فى
الحلقات الجاية كل يوم هنقف جمب كل مظلوم حتى لو
كنا هنواجه اى وزير او رئيس الوزراء مش هيهمنا عشان
احنا صوت الحق وصوت المظلوم !!!
مهازل إدارة شرق
يا وزير التعليم بدلا من
ان تفكر فى التابلت فكر فى على
عبد الرؤوف وكيل الوزارة الذى دوما يعطيك جملة متكررة وساذجة ( كله
تمام يافندم ) يخرب بيت ابو كده ويخرب بيت هطل من هم حولك الذين لا يهمهم
تعليم بل المصالح فقط هى قمة متعتهم .
عندك فكرة يا وزير التعليم بوكيل
الوزارة المفضوح والمهان على صفحات
التواصل الاجتماعى ليل نهار بأنه رجل غير
تربوى مؤهله غير عالى ويحارب الكفاءات
وحملة الماجستير والدكتوراه وأنه هو لا يدير المديرية بل يديرها غيره .
وغيره هم اثنان من الاباطرة ( اللى
محدش قادر عليهم ) تعرف يا وزير التعليم ان عندك
بالوزارة واحد بلديات وكيل الوزارة هو
الظهر الحامى لهم ولفساد المنظومة.
تعرف يا وزير التعليم ان مدير
ادارة شرق معلوماتى المتواضعة
من مصادرى القوية من داخل المكاتب المجاورة لمكتبه بانه ( دنجوان
عصره ) ونازل حب
وعشق وهيام فى مديرة مدرسة واسم
المدرسة على اسم احدى زوجات الرسول ( صلى يا وزير
كده على النبى فى قلبك ) .
تعرف ياوزير التعليم ان مدير
امن الادارة على علاقة ساخنة ونارية مع موظفة
بالادارة وعلاقتهم ايه .... هيام وعشق وغرام وأحلام
!!!! وتفاصيل علاقتهم تحت رعاية مدير
ادارة شرق المحمى بوكيل الوزارة يعرفها كل العاملين ومحدش قادر يفتح بقه .. قهر واستغلال نساء وبتفكر ياوزير تطور التعليم !!!
تعرف يا وزير ان مدير
ادارة شرق تحت أمر مدير مدرسة ثانوى طول عمر
المنصورة بتسمع نتيجة الثانوية العامة فى الراديو ومشهورة المدرسة بأن
نتيجة الثانوية العامة كانت ( لم ينجح أحد )
واسمها لا فيها ( ملك ) ولا فيها حد ( كامل ) ومدير
المدرسة دى ياوزير التربية والتعليم وياوزير
الداخلية انتم الاثنان ....المدير
ده وصلنى من مصدر موثوق فيه أنه يهدد كل من
يتعامل معه ومن يخالفه بأنه مسنود من أمن
الدولة ومن ناس كبيرة قوى ...!!!
**************************
دى الحلقة الأولى ولسه فى
الحلقات الجاية كل يوم هنقف جمب كل مظلوم حتى لو
كنا هنواجه اى وزير او رئيس الوزراء مش هيهمنا عشان
احنا صوت الحق وصوت المظلوم !!!
وقبل البلاوى شوفوا الدستور بيقول ايه عشان محدش يفتح بقه !!!
عارفين بلاويه إيه !!!
البلوة الأولى للمدعو مدير المدرسة ؟؟؟؟؟؟؟؟؟؟؟!!!!!!!!!!!!!!!
بعيد عنكم بلوة سودة على دماغه ودماغ مديرية التربية والتعليم ودى ليها تكتكة
منى من نوع خاص عشان يروح فى داهية هو والاربعين حرامى قبل الامتحانات !!!
**************************
البلوة التانية للمدعو مدير المدرسة انه وبالأسماء ياحبيبى
بالاسماء عنده ولد طالب ابو
الطالب ده عنده مخزن ادوية والولد
بيجيب للمدير حبوب
الترامادول والحبوب المخدرة ومش كده
وبس ده المدير الحبوب اللى اسم ابوه على اسم شهر
هجرى بيخللى الطالب
يوزع الحبوب دليفرى للحبايب وخصوصا لبعض القيادات .
**************************
البلوة التالتة للمدعو مدير المدرسة انه عنده
بالمدرسة طلبة مسلحين ياوزير الداخلية سنج
وسيوف وكل مايلزم لزوم اللوازم وهو نفس المدير اللى البلطجية
المسلحين عنده اللى لما بيضرب حد فيهم عينى عينك قدام الكل محدش بيقدر من البلطجية
يرفع عينه فيه ولما
حد من حبايبنا سأله مش خايف من البلطجية والاسلحة اللى معاهم بالمدرسة رد وقال
هما عارفين انا مين وورايا مين .. واضح انه الاسطورة فى صرح علمى !!!
**************************
البلوة الرابعة للمدعو مدير المدرسة انه حوت رشاوى مالية
ومبيرحمش طالع واكل ونازل واكل ورشاوى عينية ..
عن طريق دراعه اليمين ابو ( عقل ) يوزن
بلد !!! وكمان رشاوى جنسية وبيستغل منصبه
فى صيد النساء وبيوزع حصائله المالية على القيادات
بالادارة والمديرية وانا عاوز دكر يطلع يكذبنى وساعتها
هطلع مستنداتى !!!
**************************
البلوة الخامسة للمدعو مدير المدرسة انه مدير
المدرسة اللى ابوه اسمه على اسم
شهر هجرى وكيل الوزارة عامله
الرئيس المباشر للامتحانات ومدرسته قصدى عزبته مقر
لامتحانات الطلبة العائدين من الخارج وسبوبة
تحفة ومن غير شرح كتير الطلبة بتدفع 500 جنيه كل
طالب وبياخد كشف انه تم امتحانه وبالسلامة
ياقلبى !!! والدكر
فيهم يطلع يكدبنى !! طبعا
والحصيلة بتتوزع على القيادات اللى
سايبينه شغال ( لمام ) حلوة لمام
دى !!! مروق عليهم .. وعاوز تطور التعليم ياوزير
!!!! البلوة دى
بالذات هنطلع بيها للنائب
العام عشان شابك فيها النيابة الادارية
والرقابة الادارية ولجان كتير سنتهم كحلى !!!
**************************
البلوة السادسة للمدعو مدير المدرسة انه بالكربون ياحبيبى
بالكربون عمل 2 فصل للمتميزين وبياخد
من كل طالب 1500 جنيه عشان يحط اسمه فى فصل المتميزين
!!!!! طبعا والحصيلة بتتوزع
على القيادات اللى سايبينه شغال
( لمام ) حلوة لمام دى
!!!
**************************
البلوة السابعة للمدعو مدير المدرسة انه بالكربون ياحبيبى
بالكربون عمل تسعيرة لطلبة المنازل عشان
يسمح لهم بكتابة استمارة الثانوية العامة وهى 250 جنيه
ولما اتفضح أمره فى الادارة وريحته فاحت قام ايه
!!! لم الاستمارات وخللى مندوب من عنده
هو اللى يروح يسلمها بدل الاولاد اللى فضحوه .. طبعا
والحصيلة بتتوزع على القيادات اللى
سايبينه شغال ( لمام ) حلوة لمام
دى !!!
**************************
يا وزير التعليم
ويا وزير الداخلية ياترى هتحاسبونى على كل البلاوى دى انى نشرتها وتسيبوا
العربيد يعربد فيها ولا هتقطعوا رقبة كل
فاسد وظالم !!!
ولسه فى الحلقات الجاية هنقف جمب كل مظلوم حتى لو كنا
هنواجه اى وزير او رئيس الوزراء مش هيهمنا عشان احنا صوت الحق وصوت المظلوم !!!
وياترى حلو قوى قراركم لكل موظف انه ممنوع يتكلم
مع صحفيين او ينشر البلاوى على
الفيس بوك !!
على فكرة يا وزير التعليم
قرارك بمنع الكلام لاقيمة
له ؟؟
عارف ليه ؟؟؟
لأننا بنتبع الدستور !!!
وعارف الدستور بيقول
ايه ...
شوف الصور دى
من الدستور بتقول ايه ..
ونخرج فاصل وهنرجع بكره مع
الحلقة التانية تابعونا واستنونا
