فاتن نصر تكتب : الكداب دايما مكشوف وابو العينين بيحب مرسى

بقلم: فاتن نصر

 هذه المقالة تعبر عن رأى الكاتب وعلى مسئوليته دون تدخل من الموقع...

من اول يوم للثورة معروف انها حالة ضد رجال اعمال نظام مبارك اللي كونوا ثرواتهم من دم المصريين ...وكما يتم تداول الأخبار من زمان أن المخدرات والسلاح مصدر ثروات كتير من اللي عاملين علينا بهوات وياما البدل بتداري...

وافتكر ان قصص الأفلام والمسلسلات حكت قصص كتير عنهم 
وعلى فكرة
لما يكتبوا في مقدمة اي مسلسل أنه محض خيال ولو تطابقت الأحداث مع الواقع
فده من قبيل الصدفة
نعرف فورا انها قصة حقيقية بس بيبرأوا نفسهم قانونا 
معلش احنا بنتكلم 
وبنتفرج 
وبنصدق المسلسلات
لكن بنكابر في الحقيقة ونقاوح وكتير بيدافعوا عن حرامية قال ايه عشان مافيش دليل

قنوات واحد منهم ضد الثورة على طول الخط وصاحبها قدام الشاشة وهو مقبوض عليه في موقعة الجمل قال لو حتى صرفت اخر مليم في جيبي عشان اقضي عليهم حا اصرفه 
واهو شغال 
ومعاه موسى الله ينور 
ولأن بقا من الصعب دلوقت حد يداري حاجة 
فالكداب دايما مكشوف 
والعيب ان اغلبنا يملك ذاكرة السمكة