بقلم : منصور الجزار
وزارة شباب ... شباب تم اختيارهم بعناية يتكلمون بأجندة الكبار ... وزراء ... محافظين ... قوات أمنية كثيفة ... حراسات ... خبراء اعلاميين ورياضيين وبرلمانيين ... هما دول عناوين المؤتمر الشبابى الفاشل .. كل الحاضرين كان لهم هدف واحد .. يشوفوا السيسى ويطلع كل واحد فيهم ( البرنجى ) أمامه .. كل واحد فيهم عاوز ياخد ( بنط ) عند السيسى .. المؤتمر له برنامج محدد .. وهو :جلسات نقاشية فى حضور السيسى وكل المتحدثين المحدد لهم الكلمة مسبقا لهم دقيقة اوسؤال فى 30 ثانية ..
اما المنصة تتحدث بحرية لتلميع الحكومة ..
وياريت حد يفهمنى مصطفى الجندى فى مؤتمر زى ده ليه ابو جلابية وهو كما يقال تدور حوله الشبهات..
مؤتمر 3 ايام .. ايه اللى بيحصل ده .. اتصرف فى مؤتمر زى ده كام مليون ...
وياترى ياسيسى سمعت نبض وهموم واحلام كام شاب اتكلم امامك بحرية ؟؟؟؟
ياترى ياسيسى عرفت كام كارثة ومصيبة من الشباب تخص الوزراء اللى قاعدين كل واحد فيهم طالع بلا اخطاء ؟؟؟؟
ياترى ياسيسى حلمك اتحقق وسمعت شباب البلد بجد مش البرفانات اللى معاك فى شرم ؟؟؟
ياترى ياسيسى مسحت دموع كام شاب فضفض لك من قلبه بشرم ؟؟؟
ياترى ياسيسى سمعت كام شاب متبهدل وطالع عين امه وعاقبت وعنفت الوزير المختص ؟؟؟
قعدة الدردشة اللى بتسموها مؤتمر كان ممكن تنجح فى حالة واحدة ....
انك ياسيسى تنزل بنفسك وحراستك للناس المعدومة ووراك الوزراء وتحل مشاكلهم على ارض الواقع .. ولا انا بحلم !!انك ياسيسى كنت اعطيت اوامرك لوزير الشباب وبتوع الاعلام المتلمعين الهباشين قرايب زيد وعبيد.. بانهم قبل المؤتمر ينزلوا للمناطق المحرومة القرفانة التعبانة ويقابلوا الشباب ويصوروا مشاكلهم وتتعرض عليك فى المؤتمر وكل وزير يشوفها معاك ويحلها فورا بعد الرد عليها .. ولا انا بحلم !!!
انا قرفت من ام العقول التافهة من وزراء ومحافظين وحكومة فاشلة ومؤتمر فاشل لم يقدم للشباب الا الهم والنكد وحتى اللى كانوا عاوزين يتكلموا ويطلعوا اللى فى قلبهم لم يتكلموا ولم يحصلون على الكلمة ...الشعب بيحبك .. نظف من حولك ..ارجوك اللى حواليك هيخربوها !!!!
وللحديث بقية ... منصور الجزار