الاخ حمدين .. سؤال واحد محيرنى .. انت بتصرف منين .. لو وارث قول.. لو عندك أطيان قول.. لو عندك عقارات وأطيان قول... لو محوش من سنين قول.. لو مهنتك حالياً عيب قول.. انا فرد من الشعب وفقير وكحيان ومش لاقى وعاطل ومبشتغلش وعاوزك تسلفنى .. وهكون مديون لك أمام العالم كله وهسددلك ... هل تعلم معنى نظرات عتاب أولادك لما تكون مش قادر تصرف عليهم ؟؟ جربت ده .. ولا صرفت على أولادك من بدلات مجلس الشعب ولا من الصحافة ولا من اشتراكات حزب الكرامة اللى لسه مقبول كحزب قريب!!! جربت تقعد من غير شغل وعيالك يقولوا للناس بابا حمدين شغال مناضل .. انا بقى مش لاقى شغل وعاوز اكون مناضل وألعب بالفلوس اللى انت عايش بيها انت وأسرتك ..منين ... عاوزك ترد ...انت انسان فى الشارع طول عمرك .. انا كمان انسان فى الشارع طول عمرى .. بس الفرق بينى وبينك انى معروف مهنتى ..كنت مدرس وحاليا مدرب كرة قدم وعضو نقابى وصاحب جريدة ومجتهد واشترى وقت على الشاشة ومقدم برنامج ومراسل تلفزيونى وكنت اعمل بجريدة النبأ يعنى اللى يسأل اولادى أبوكم شغال ايه .. يقولوله مدرب واعلامى .. واللى ربنا بيرزق بيه الحمد لله وكمان عندى عمارة ملكى ورثتها عن والدى ... انت ابوس دماغك ياعم انت .. شغلتك ايه .. واوعى تقولى شغلتى بولولوم .. خليك راجل وقول للناس انت شغال ايه وبتصرف منين وخليك راجل وقول الكلام ده فى التليفزيون اللى انت واجع دماغنا بيه كل يوم ..خليك راجل واطلع لنا وبلاش والنبى تخلى الشمشرجية اللى حواليك هما اللى يردوا علينا ..وقول لكل العالم كشف قطر اللى فى هذا المقال واسمك اللى منور فيه كذب ولا حقيقة لو كذب هحترمك بس هتقول لينا بتصرف منين.. ولو صح يبقى انت معندكش دم ولو بقيت رئيس مش هحترمك لا انت ولا كل اللى يوافق عليك .. وكمان عاوزين رد على المستند بتاع النساجون .. اطلع يابنى آدم ورد بنفسك .. كفاية كده ومش هفكرك بصورك اللى معروفة للجميع وانت مع الاخوان المجرمين من زمان بتلعبوا بالناس وصفقاتك معاهم كتيرة وكل الناس شايفاها ... رد ياحمدين وبلاش تعيش فى وهم انك أمور وحليوة والكلام الفاضى ده ( محمد على كلاى ) كان مش حلو بس كان له تاريخ رياضى واسلامى مشرف .. رد علينا والا... شكلك هيزيد وساخة وعفانة وبلاش تصدق كدابين الزفة اللى حواليك .. وأخيراً ياحمدين كلنا مناضلون .. كلنا فى الحياة مهننا معلومة ... كلنا ثائرون ...
