تحليل : منصور الجزار
محافظ سوهاج اللواء محمود عتيق ومن علي موقع البوابة الاليكترونية لمحافظة سوهاج المفروض انها صفحة رسمية للمحافظة ولا ينشر بها شئ الا بعد مروره علي المحافظ .. لكن تعالوا ياللى بتدوروا علي شغل وياللى بتشتغلوا بالقطاع الخاص وياللى مستنيين الحد الأدنى 1200 جنيه تعالوا اتفرجوا علي الحكومة النصابة الكذابة اللى منزلة اعلان يفور الدم .. حد فزلوك هيطلع يقوللى ده القطاع الخاص .. هرد واقوله هما اللي هيشتغلوا بالقطاع الخاص ولاد كلب واللى بالحكومة علي راسهم ريشة .. يعنى هتخلي كل البشر تحاول تنضم للقطاع العام بالواسطة والرشوة والذى منه .. وبعد الاعلان هنحلل سوا كلامهم القذر ... ...................... تتشرف مديرية القوى العاملة والهجرة بسوهاج بعرض بيان بفرص العمل المتوفرة بالقطاع الخاص وهى كالتالى :- مطلوب بأكاديمية 6 أكتوبر بحى الكوثر خلف البنك الأهلى الآتى: عدد 5 سكرتارية بكالوريوس تجارة شعبة كمبيوتر بأجر 500 جنيه شهرياً عدد 5 محاضرين بمؤهل هندسة بترول و عدد 5 محاضرين تصدين وفلزات بأجر 25 جنيه للمحاضرة بمعدل 10 محاضرات فى الاسبوع (1000 جنيه شهرياً) عدد 5 فرد أمن بمؤهل متوسط بمرتب 400 جنيه شهرياً عدد 4 عامل عادى حاصل على دبلوم وبمرتب شهرى 400 جنيه
................................. شوفوا ياناس قلة الادب قال مديرية حكومية تشرف علي توفير وظائف بالقطاع الخاص بمرتبات شكلها ايه.. بكالوريوس تجارة 500 جنيه ثمن 9 كيلو لحمة والمواصلات علينا واللبس علينا وجزمتك ياحكومة علينا ... ومحاضرين بباكو ... حلو والله مرتب نارى يانهار اسود محاضر بالبترووووووووول اغنى وزارة يعنى هيعلم ويعطى خبرات ويفضل شحات ... وفرد امن 400 جنيييييه قولوا معايا أحيييييييه يعملوا ايييييه فى الوقفة بالبرد او الحر وبهدلة الرايح والجاى فيه وممكن ياخد رصاصة ويتكل علي الله ... كفاية كده اصل الحكومة تزعل منى وتقطع عنى المعونة ويقولوا عليا اخوانى اوسلفي ... جتك مليون نيلة ياحكومة منيلة بمليار نيلة .. والى لقاء أخر مع محافظ أخر ... انتظرونى .. منصور الجزار